السلام عليكم ورحمة الله وبركاته

اخواني انا موظفه بشركه مايقارب سنتين اعطونا وعود بزيادة راتب بعد انتهاء فترة التجربة والى الان لاشي على العكس يخصم من الراتب بأعذار واهيه

مشكلتي انه تم نقلي الى عده ادارات خلال هذه السنتين وبامر من صاحب الشركه نقلني الى ادارته (الادارة العليا) لما لاحظه من دقتي بالعمل وامانتي وانا الموظفه الوحيده في هذه الادارة لكن صارت مناوشات عديده من مدراء الادارات معي لاني تصيدت اخطاء عديدة منها على سبيل المثال التوظيف الوهمي
الان وبعد اجتماعات سريه مع المالك ومدراء الادارات سحبت مني جميع المهام (اداوم 9 ساعات ولامهام لدي ولا عمل )

ارغب بالنصيحه من اهل الخبره فقد ضقت ذرعا مما انا فيه ((موظفة عاطلة))

ههههههههههه
على بالك انك تصيدتي وظائف وهميه؟
وعلى بالك انك ان علمتي المالك راح يفرح ؟
عموما الله يوفقك
بس بخصوص الوظائف الوهميه هذي المستفيد منها المالك نفسه !!
عشان يوصل للنطاق الأخضر اللي يقدر معاه يستقدم عماله اجنبية ويستفيد أشياء ثانية
و شكل المالك نقلك عنده عشان يخليك تحت النظر وتبطل تبحث وراه وانتي على بالك انك تساعديه
يعني انتي خلال سنتين نبشتي في أشياء كثير المالك ما يبغا احد يتدخل فيها
وشكلك ما فهمتي للان

فهمت اللعبه من يوم من ماسحبت مني المهام من مايقارب 6 شهور

لكن انا ابحث عن حل الان
مكتب العمل ممكن يفيددني
تنميةالموارد البشرية ممكن تفيدني؟

وبحال اشتكيت ؟؟!! انا مارح اتضرر؟؟

صراحة تعبت من كذبهم ومماطلتهم , ومو حابة اخرج من الشركة الا وانا ضامنه كل حقوقي

والله حاليا تهميشك يقصد به ارغامك على الاستقاله
لكن سوي انك ما فهمتي شيء واظبي على حضورك ودوامك ان استقلتي ضاعت حقوقك
بالنسبة للشكوى ما راح تستفيدي من مكتب العمل
لكن ممكن لو عندك اثبات على التوظيف الوهمي تروحي لمكتب العمل وتبلغي فيهم
بدون ما يعرفوا انك المبلغه
اجلسي على قلوبهم وسو كنك ما دريت وبنفس الوقت دوري على وظيفه مناسبة ان حصلتي استقيلي
ما حصلتي خليك بعملك لحد ما يفرجها ربي عليك

اولاً:: أنتِ قمتي بمايرضي ضميرك لا تندمي لان الجزء من الله (والله لن يضيع اجرك ) وليس من الظالم وممن معه وعلى فكرة اكثر الشركات كذا وللاسف الموظفين ممن لا يخافوا الله معهم مساندين.
ثانياً: ماهي حقوقك التى لا تريدي أن تخسريها ؟ ممكن الاجابة ( عقدك كم مدته محدد أو غير محدد لانهم ممكن ينتظرون نهايته وعدم التجديد لك )
ثالثاً:ولكِ أن تستخيري في البقاء أو الاستقالة وخصوصاً أن الشركة لا ترغب في وجودك .
رابعاً: أنتٍ ابحثي عن سمعت الشركات التى تريدي التقديم بها لان بعض التجار سمعتهم السيئة واضحه ومعروفة وهذا الشئ في النت ومن الموظفات في الشركة اسألي.
إذا اردتي الاستقالة حاولي ما تظهري هذا الامر لاي احد نهائياً حتى لا يصل الخبر للادارة وممكن يتسببوا لك في الاذى لانك تعلمين اسرار مخالفاتهم وحاولي تخلي معاك نسخ من مصائبهم إذا امكن من دون أن يحسوا حتى تحمى نفسك عند اللزوم وما انصحك تشتكي لان التاجر بيعرف أنك انت المشتكية ويضرك على أنه اليوم الثاني يطلع من المصيبة بلا اضرار ولو تريدي الشكوى بعد الخروج من المكان اتصلي على 199111 وبلغي والله يعينك .واقرائي نظام العمل والمخالفات التى في هذا الموقع :
http://portal.mol.gov.sa/ar/DocLib1/EDM_MOL4.pdf
http://portal.mol.gov.sa/ar/Pages/OrganizeWork.aspx?m=3
لا تخليهم يمسكوا عليك إي غلط حتى لا يخصموا من الراتب وإذا كنت مدعومة من الموارد لا تستقيلي نهائياً لانك لن تدعمي من الصندوق بعد ذلك إلا بعد 5 سنوات وكل شركة تريد موظف غير مدعوم عندها انتبهي من هذه النقط وكلمي الموارد ولا تقولولي انك الموظفه المشتكية ولا توضحي لهم اسم الشركة اسالي بوجة عام .

هههههه يعني انتي تعتقدين مالك الشركة مبسوط منك لما شفت فيه توظيف وهمي.؟
اصلا القطاع الخاص شغله كله توظيف وهمي بس واضح انك ما عندك خبرة و تعتقدين فيه قانون يحمي موظفي القطاع الخاص.. ما جرا لك هو يبون يطفشونك بطريقة ما بس لو فصلك انتي عاد تسوي شكوى عند مكتب العمل و خايفين تنبشين ملفاتهم... لهذا الموضوع اخدينه بالتدريج معك لما يخلصون منك..

انا استخرت وقدمت استقاله

ومسأله التوظيف املاحظه الكل مركز عليها هذا جزء من مصائبهم ودونته كمثال لكم

حابه اعرف حقوقي وايش لي وايش علي بالشركة ( مع العلم ان عقدي غير محدود المده وغير مسجله بالموارد )

وشكرا

ملاحظه
حسيت براحه كبيرة جدا بعد ماقدمت الاستقاله

والله ليتك تروحين وتشتكينهم على التوظيف الوهمي لان مكتب العمل بيروح ويفتش وفيها غرام مية الف اعتقد

نفس حالتي

على بالي انه انا الوحيد الموظف العاطل

الله ييسر امرك ويعوضك خير يارب