السلام
من غير مقدمات
لو اجريت مقابله بشركه خاصه و كان اللي يقابل غير سعودي ! < مدري لو تفرق بالطلب
و بدا يرمي كلام مستقز ماله دخل بالمقابله !
انا عارفه بعض الوظائف اللي يقابل يستفز الشخص عشان يشوفه كيف خصوصا وظائف اللي تتطلب مقابله الجمهور مثل خدمه العملاء
لكن هالوظيفه مافيها ابدا تعامل مع اشخاص خارجييييين !
+ اللي اعرفه مهما كان راي المقابل فيك و تعليقات خارجيه مايصير يقوله قدامك !
كيف اقدر اشتكي عليه ؟ او هل يحق لي ؟؟؟؟؟؟؟؟

انسي الموضوع .. بترفعين ضغطك وتنقهرين ع الفاضي
الله يعوضك باللي أحسن منها ودايم ادعي ربك يسخر لك الأرض ومن عليها

طبعاً يحق لك لو عندك عليه دليل وفق انظمه و لوائح العمل ومن الافضل في المقابلات قبل تدخلين شغلي التصوير بالكاميرا ان تهيئ لك تصوير الاشخاص تمام اذا ماتهيئ تكتفين بالصوت وصوري كل حاجه حولك حتى لو وجهه بدون يدري كذا معك اثبات ضده وثقي تماماً ماتكلمت الا وانا ماخذ معهم صوله و جوله و جلسات محاكمه و الحمدلله انحفظ حقي من فضل ربي 🌹🌹🌹🌹

اكيد من حقك تشتكي وحتمال يسجن هذا الشخص او يدفعلك تعويض قدرة نص مليون ريال

واحتمال بل اكيد انه راح يتم توجية له التهم التالية
1- تهمة استفزاز مواطنة سعودية
2- تهمة المشاركة الغير وجدانية ( وهي انه جمعك في مكتب ووهو رجل وانتي امراة وعمل لك المقابلة ) وهذي عقوبتها السجن من 6 سنوات
3 - تهمة عدم توظيف مواطنه سعودية وتوظيف ابناء جلدتة
4 - تهمة قولة لك خلاص بنتصل عليك مع السلامه انتهت المقابلة
-------------------------------------------------------------
ودي اضحك شوي لانك حسستني انك في دولة اوربية
ياشيخة توظفنا في شركات كثر شعر راسك الاجانب يسرقون في الشركة والسعودين واقفين حراس امن وبدون رواتب بعد وبعضهم فصلوهم كذا بدون سبب ومحد قدر يسوي شي راحوا اشتكوا وزارة العمل ولاسوا لهم شي ....وانتي عشان اجنبي عملك مقابلة وماعجبك اسلوبة رايحة تشتكي ...سمعونا شيلة علموا طهران تحذر من زعلنا قبل تصبح ضحية للسباعي ...يالالالاللللالا

والله صارنا مسخره الاجانبي موظف براتب ولاحسيب ولا رقيب وسعودي او سعوديه يجي الراتب 5000 جلس الاجانبي يراقب متى يجي ومتى يروح ويحسبك بعد علي 5000 تقول البلاد بلادهم والله لو حنا في بلادهم اريال مايعطون بس ماقول غير حسبي الله ونعم الوكيل على الوزير وعلى كل انسان له يده في شي هذا