السلام عليكم
لايحب الله الجهر بالسوء الا من ظُلم
ياشباب بأقول لكم قصتي انا قدمت على هالبنك في برنامج تطوير فوري في جدة وجاتني رساله لحضور الاختبار الساعه 9 مثلي مثل الشباب وصلت الساعه 9 وكأني في تقديم حرس وطني او امن عام .. همجيه وزحمه ولازم تكتب اسمك المهم مالكم في الطويله ، دخلت الساعه 10 ونص وماكتبت اسمي زاحمت مع الناس وجلس واحد يقرا بالأسماء لين امتلا القاعه يبغون 70 في كل فتره المهم بقى انا واربعه معي مادخلنا واحد من الشباب جاي من الباحه وفي الاخير مادخلوه طلع لنا واحد من المسؤولين وجالس يبرر لنا اننا احما الغلطانين ليش ماجيتو الساعه 7 تزاحمو مع الشباب هذا دليل انكم مو جادين ولا فيكم روح المبادرة المهم تكلمت انا وقلت المفروض طالبين العمل يكون مجدوله اسمائهم كل واحد في وقته المحدد يجي مو شغل حراج وتقديم امن عام وهذا بدال ما تستسمح لنا تكابر وتقول احنا الغلطانين !! المهم ياشباب جلسنا شوي انسحب من الاختبار 7 اشخاص ليش؟ اقولكم ليش وليش هذا البنك يستغل حاجة الشعب . طبعا قالو لنا اذا اجتزت الاختبار تجيك رسالة بتحديد المقابلة الشخصيه وتجيني ببدلة رسمية ابو 400ريال ونشوف اذا عديت المقابله اوك بيكون هناك دورة لمدة شهرين في الرياض وبعدها ترجع ونشوف هل باقي نبغاك ولا لا واذا نبغاك توقع معانا عقد لمدة سنة انك تكون متدرب وراتبك لمدة سنة 4000 ريال شهريا واذا تبغى تنسحب خلال هالسنة تدفع حقنا ورواتبنا اللي اعطيناك لو بتنسحي بعد 11 شهر وبعد سنه توقع معانا عقد انك موظف براتب 6000 ريال شامل والدوام في التدريب وبعد التدريب يكون من 8 الى 12 ضهر ومن 4 الى 8 ليل ولمدة 6 ايام في الاسبوع ويوم اجازة واحتمال نجبرك على دوام هذا اليوم ونعطيك حقه !!! بالله عليكم هل هذي وظيفة او عبودية والله اغلب الموظفين اللي قابلونا مجنسين وحاقدين على السعودي . انا أسألكم بالله هذا بنك ؟ اسألكم بالله هل هذي انسانيه؟؟؟ والشباب اللي قدمو على وظيفة الفروع نفس الكلام لكن بدل مو توقع سنه متدرب توقع سنتين متدرب !!!!! ياناس اتقوا الله ايش الفساد والاستغلال هذا ؟ اذا جات لي وظيفة العمر وبغيت اسحب من عندهم لازم تدفع 80 او 90 الف وفوق كذا اسمك مو موجود في التأمينات يعني لا خبرة وفوق كذا ياخذو فلوسك وحلالك ياناس وصلو كلامنا هذا للمسؤل الامين ياشباب اللي عنده تويتر وعندة متابعين يكتب هالهشتاق #بنك_الجزيرة_يتاجر_بالبشر . وشاركو فيه ياشباب والله ان اللي يحصل تجارة بالبشر حرام والله حرام لي 10 سنوات عاطل وكل ما ادخل شركة او بنك الاقي المجنسين وغير السعوديين معهم مناصب عليا واذا شافو الشاب السعودي يستغلونه بل ويضرونه ، ياناس كفايه والله الواحد يفكر يمشي في الطريق الخطأ على شان لقمة العيش اللي اخذها مننا الاجمبي والمجنسيين اللي اجزم لكم ان اغلبهم يشتغلون بشهادات مزوره ، بالله ياشباب اكتبو في تويتر وشوفوا لنا حل في هالمشاكل والفساد ،، واسألو الشباب اللي قدمو معي او قدمو في اي مكان في هالبنك والله على ما أقول شهيد.

ايةة واللة انك صادق
قبل سنة كان فية 6 وظايف في ابها للبرنامج تطوير فوري
وارسلو البنك علئ الايميل الحضور يكون في مركز طاقات في ابها
راحت للمركز في اليوم المحدد لي عشان الاختبار
جيت للطاقات ولا فية اكثر من 200 واحد علئ 6 وظايف بس
والوضع لخبطه و القاعة حقت الاختبار ما تاخذ الا 20 واحد بسس وكل اختبار 30 دقيقة
وجالسنا من السساعة 8 الصباح الئ المغرب ..

اما الفلوس ترجعها هذا النظام من وزارة العمل .. انك لازم تدوام نفس مدة التدريب
يعني مثل التدريب سنة لازم تدوام سنة كاملة ... او مثل دوامت 6 شهور من السنة تدفع حق الاربع الشهور الباقي بسس

قلت الكلام اللي كنت أبي اقوله

اغلب البنوك تدريب ثلاث شهور ويجربونك ثلاث شهور مع راتب كامل ومع المميزات اللي هي الدبل الخ ... ولا يجبرونك أنك تدفع اللي اخذته

اما ذولا تنكرف على وجهك و حرمتني قعده مع الأهل وطلعات مع الأصدقاء وغيره والعمل متعب جدا جدا جدا جدا جدا جدا وف نهايه 6000 ريال واجازه يوم ويمكن مايعطوك اياه والمميزات زي وجيهم مافي لا دبل ولا شيء

والله يا أخوي أتفق معاك في كلامك..

وأنا كنت مع المتقدمين وكان موعدي نفس الشيء الساعة ٩ صباحاً في جدة..

ولكن مشيئة الله فوق كل شيء, حضرت الاختبار والحمد لله أرسلوا لي رسالة بتجاوز الاختبار ومن ثم المقابلة الشخصية وسبحان الله

إلى آخر لحظه وأنا رايح للمقابلة وكنت مستخير الله سبحانه وتعالى وما ارتحت لها وقلت الله يرزقنا بالأفضل..

لكن بخصوص إن الراتب ٤٠٠٠ لمدة سنة, على حسب ما خبرنا مسؤول الموارد البشرية في اليوم الأول أثناء الإختبار أن الراتب ٤٠٠٠ فقط خلال فترة شهرين التدريب ومن ثم بعد اجتياز التدريب والتعيين في أحد الفروع الراتب بيكون ٦٧٥٠ ريال..

والله أعلم..

وللأسف صراحة..

ما في نظام من مكتب العمل يحمي حقوق الموظف السعودي فعلاً..

أبسط شيء الراتب الشهري..

٣٠٠٠ آلاف ريال/الحد الأدنى..!!

بالله هذا راتب..!؟

الشركات طبعاً تستغل هذا الثغرة.. وبالإضافة إلى أنهم يستفيدون من خلال صندوق الموارد البشرية..

وفوق هذا يعطيك ٤٠٠٠ راتب شهري.. ويكتبلك رواتب مغرية..!!

والمصيبة الكبرى بعد هذا كله نفرض إنك تبغى تستقيل وتنتقل إلى وظيفة في شركة أخرى..

الشركة الجديدة تشيك على رقم هويتك (السجل المدني) للتأكد هل أنت مسجل في صندوق الموارد البشرية وتمت الاستفادة أم لأ..؟

طبعاً مباشرة إذا عرفوا وتأكدوا إنك مسجل من قبل واستفدت من الدعم يعتذرون أو يطنشوك ببساطة..

طيب السؤال بهذه الطريقة ما الفائدة التي استفادها الموظف السعودي من مكتب العمل..!!؟؟


المفترض يكون الحد الأدنى ٥٠٠٠ ريال أو ٦٠٠٠ ريال..
بحيث يصبح اجمالي الراتب مع البدلات في حدود ٧٠٠٠ ريال..

وتضمن حقوق الموظف..!
ويعيش حياة كريمة معقولة..!

لكن ٣٠٠٠ ومع البدلات ٤٠٠٠..!؟
لا تكفي العازب فما بالك بالمتزوج..!؟

الله يصلح الحال

اغلب وظائف فروع الحوالات تابعه لشركات وليس للبنك ممكن فقط بنكين عندهم فروع خاصه فيهم والرواتب لاتتعدا 6000 و المشكلة الاف يوم واحد فقط حسب ماسمعت ومرات يجبروك انك تداوم وقت الاوف حقك ويعطوك اوفر تايم من غير الدوامين الي يومك كله يروح من غير ماتستفيد من باقي اليوم اذا كنت بتقضي مشوايرك او مشترك بنادي رياضي تتمرن فيه وعليكم بالاستخارة موفقين.