المشاركة الأصلية كتبت بواسطة سععععودددد

انا اليوم تمت المقابلة

استقبلونا في بيت شعر كبير كلنا المتقدمين ودققوا بياناتنا واخذو اوراقنا واعطونا نموذج عبيناه وحطيناه في نفس الملف وجلسنا في الخيمة وهم ينادو بالمكرفون بالاسم وتروح اذا جاء دورك في المبنى الثاني واللجان مقسمة فيه في الدور الارضي وفيه في الثاني

طبعا التخصص رياضيات
مدة المقابلة طويلة والله حول نص ساعه او اكثر
اللي في المقابلة 4 اشخاص واحد تخصص و واحد تربوي و واحد اتوقع علم نفس والرابع يسجل اوراق وكذا

اول ماخشيت استقبلوني وجلست قالو تحدث عن نفسك ومن وين تخرجت وليه قدمت على الهيئة الملكية بالذات
وهل لو جاتك وضيفة التعليم بالوزارة بتترك الهيئة او لا
وكمان قالو انت خريج من جامعة الباحة هل بتتأقلم هنا

بعدها سألني عن الأهداف السلوكية وبعدها عن سبق ان استخدمت اثناء التطبيق في التربوي وسائل تعليمية و وش اللي استخدمته من ذا الوسائل

بعدها اداني المتخصص سوال عن النسبة المئوية كان مكتوب في سبورة عندهم وقال قوم اشرحه لنا
وبعدها اداني معادلة وقال اشرحها وحلها لنا ولما اشرح يجلس يسال في كل خطوه مافهمت ليه حطيت كذا وليه كذا ولما جاوبته واقتنع قال لي خلاص اجلس

بعدها يستفزوك يقولوا اسلوبك ممل وبتروح الحصه وانت كذا ومافعلت الطالب معاك

بعدها سألوني عن ايام التطبيق وهل طبقت ترم كامل او حصص قليلة

وسألوني وش الفرق بين القياس والتقويم مع ذكر كل مثال لهما

وسألوني اذا كان فيه طالب مشاغب وكمان اذا فيه طالب مايشارك انطوائي او مستواه منخفض


وكمان قالولي كيف تشغل الحصة بحيث مايجيك تصرفات من الطلاب

وايضا اذا فيه طالب مافهم هل توقف الدرس وتفهمه او لا

وكمان كيف التعلم النشط وكيف تقسم الطلاب

و وش الفايدة من اوراق العمل

وبس ياشباب هذا اللي صار معاي طبعا المقابلة كانت والله صعبة مو سهلة لكن شدوا حيلكم وكل واحد فيكم يقرأ في التخصص زين والتربوي

المشاركة الأصلية كتبت بواسطة يبحث عن عم

تخصصي احياء تربوي ومعدي قياس ولاجاني شي للحين هل في احد مثلي ولا بس انا وربي اني انتظرها من زمان ودايما افكر فيها.
وماقصر اخوي فهد سعود على تفاصيل المقابله بس بغيت اجوبة لبعض الاسئلة الي طرحها اخوي فهد ياليت احد يفيدنا وخصوصا سؤال ليه قدمت على الهيئه بالذات

المشاركة الأصلية كتبت بواسطة شطر بطر

يا اهل المقابلات ماعندكم معلومه شي

المشاركة الأصلية كتبت بواسطة فهد سعوود

الحمدلله اليوم تمت مقابلتي ومثل ماقال اخوي سعوود

في البداية تروح الخيمة وتعبي نموذج طلب التوظيف

بيانات عامة ومن ضمنها سؤال لماذا اخترت الهيئة الملكية بالذات

التخصصات تكون مقسمة عند اللجنة وينتظرو العدد كله الين يعبي الاستمارات

وبعدين ينادو مجموعة بالاسماء وتروح المبني الثاني اللي فيه المقابلة وكل واحد يخش بالدور

انا مقابلتي الحمدلله كانت بسيطة سألني كم سؤال في التخصص وسألني تروبوي مثل ماذا تعرف عن التعلم

النشط والدور الاكبر على المعلم أم الطالب في التعلم النشط وإذا بتشرح للطلاب إيش العناصر اللي تستخدمها للدرس وإذا تبغى تحط أسئلة اختبار على أي أساس تحط الاسئلة

وماذا تسمى المرحلة الاخيرة من الدرس ..

وبس هذا اللي أتذكره وفي النهاية الله يكتب الخير للجميع وبالتوفيق ..

المشاركة الأصلية كتبت بواسطة سععععودددد

وفقك الله اخوي فهد انت وباقي الاخوان

بخصوص النتائج لما سويت المقابلة قالوا بيرسلوا رسالة خلال اسبوعين وماندري عنهم متى يردون