السلام عليكم معي مبلغ 8000 وهذا الى قدرت اجمعه

فا ابي مشروع قيمة 8000 ساعدوني تكفون

وانا ابغا ادخل مشروع بي 20 الف ريال وشريك يدفع 20 الف وتسير 40 الف ريال , وفاهم الشغل>< ><

وعليكم السلام

افضل لك المواقع الإلكترونية مثل انستقرام - حراج - مستعمل
تشتري من محلات الجملة او دبي او المواقع مثل amazone وتسوق لبضاعتك

فيه مشاريع 2000 ريال او اقل
يعني مثل الي يعملون الشاي والقهوة على مشارف استراحات العزابية
ومشروع اخر تربية دواجن والاستفاده منها
واجد المشايع بالمبلغ هذا واقل

حبيبي الله يوفقك

بع خضار

ههههههه
وين نقدر نربي دواجن واحنا حتى سكن مافي,
إيجار شقة,
وين نحط الدجاج؟؟؟

بو حسسسونه هوا ههههههههههه
لله دركم أيها العزوبيين

8000 والله حاله كيف تجي
رمضان ع الأبواب خلك على شاهي جمر ..
والله إللي يعرف يحبك الشاهي وخصوصاً القهوه يحصل خيييير إن شاء الله

__________________
سبحان الله وبحمده

المشروع الناجح تحدده من خلال بيئتك ومتطلباتها
فتهمل وادرس وضع المدينة التي تقيم فيها وما الأشياء السريعة التي يمكن ان تعمل بها
لأن مبلغ بهذا الحجم لايصلح بأن تعمل في مجال يتطلب انتظار وقت لحين عودة عائد ربح منه وانما تريد تقليبه بسرعة لتنميته

اذا انت بالرياض :
بع جح - بطيخ .. اذا معك ونيت رح للعزيزية وعب الونيت بالجملة وبع عند اقرب سوق او اقرب تجمع سكاني

او ادخل في مجال الاتصالات اللحين وزارة العمل مشددة فيها والسوق مفتوح وراس مالها ايجار 1500 ريال وبضاعة بـ 1500 ريال تكون اكسسوارات في البداية .. وحط دمى جوالات في الكشك حقك واذا جاك زبون قله عندي الجوال اللي تبيه جديد .. وش تسوي هنا ؟
تقوله خلك في المحل وتروح تشتري الجوال من الجملة مثلا بـ 700 ريال وتبيعه عليه بـ 1000 ريال ويكون مكسبك في الجوال 300 ريال .. وانت اساسا ما شريت بضاعة ولا هم يحزنون ولكن تقول للزبون انه عندك جديد وتروح تشتريه وتبيعه عليه بربح ..

وفيه ناس شغالين فيها ويقول الربح الشهري من 5 الى 8 الاف صافي .. وربحها في المستعمل والصيانة والبرمجة اكثر شيء

يعني لو تعرف تبرمج الجوالات او تسوي صيانة لها .. ماراح يكلفك المحل غير الايجار وقطع الغيار وشغل يدك والربح يجيك ..

هذي فكرة والباقي اللي ترتاح له انت وتشوف انه قريب منك سوه ..