السلام عليكم
أسعد الله اوقاتكم بكل خير

ي جماعة هالفتره اللي نمر فيها من ظروف اقتصادية على المملكة بسبب انخفاض سعر البترول
وايضا مشاكل الحد الجنوبي (الله ينصر جنودنا قولوا امين)
وايضا الخطه القادمة لممكتنا الحبيبه وهي (( التحول الوطني ))
وهناك خطة سعودة قطاع التجزئة والجملة (قطاع الاتصالات) بنسبة 100% . مع بداية عام 1438 هــ
ولا ننسى ما حصل في عالم العقار وركود السوق بشكل غريب لاهوب اللي طالع ولاهوب اللي نازل والقرارات التي ستتضح آليتها في بداية شهر رمضان عام 1437 هــ الله يجعلنا وياكم من صوامه وقوامه لا فاقدين ولا مفقودين .
وكذلك رفع الدعم عن بعض المنتجات الحيويه والمهمة في حياتنا قبل التجارة
(البنزين ,,الديزل,, الكهرباء ,, وغيرها ).
المهممم
جعلت خبراء الاقتصاد ان يحذروننا من الخوض في عالم التجارة في الوقت الحالي بسبب هذه السياسات والتي لم تتضح
سماتها وايضا بعض الظروف التي ذكرناها والخارجه عن ارادتنا ...

السؤال ي جماعه : هل كلام بعض المحللين الاقتصاديين وبعض التجار بالابتعاد عن التجارة بوقتنا الحالي
هل هو صحيح ؟؟ أم هي مقالات لتعبئة اوراق الجرائد !!!

وماهي ارآئنا نحن كشباب يريد الخوض بعالم التجارة ؟؟

اتمنى من الجميع ابداء الرأي في هذا الموضوع للأستفاده
وجزاكم الله خيرا .

نعم صحيح

وعليكم السلام .


ادرس مشروعك وابدا فيه وعلم الغيب الله سبحانه من يعلمه هذي فقط اجتهادات من بعض الاشخاص ممكن لاهداف معينه ,.

فاتجار التراب ممكن يحولون ع اي شي بعد الرسوم ,.


لذالك ثق بان رزقك محد ياخذه غيرك وتوكل ع الله وابدا مشروعك بعد دراسه ,.


اما تجلس كذا وتسمع من هذا وذاك والله ماتفلح ,.


اجعل نظرتك للمستقبل مشرقه وثقتك بالله كبيره ,.


وبالتوفيق ,.

اخوي الله يحفظك وينور دربك

اعتقد هذي فترة نهوض وصعود للمملكة وليست مسآلة ركود او اهتزاز

فـ سياسة المملكة بقيادة ولي ولي العهد حفظة الله تقتصر على حفظ اموآل الدوله بداخلها لآن الارقام فووق الخيالية تذهب خارجا

إيضا نظرته المشرقة بعدم اقتصار المملكة في اقتصادها على النفط ستكون نقطة تحول وخلق فرص للمواطنين وتشجيعهم على الخوض في مجال التجارة

ايضا البطاقة الخضراء التي تمنح في إمريكا لغير الآمريكي والتي تمكنه من بدء تجارته واستثمارها بداخل امريكا وايضا يمنح جميع الصلاحيات كآنه احد المواطنين من خدمات صحيه وغيرها


ستكون في السعودية ويتم دراستها حتى الآن كما اظن ..

اتمنى لك التوفيق وارجوا انني افدتك ولو بالقليل

معروف في الاقتصاد ...اذا كثر العرض وقل الطلب بيحصل مشكلة لعدم استقرار نقطة التوازن وهذا راجع لاسباب اقتصادية وسياسية محلية ودولية على حسب بعض السلع تتأثر مرنه وبعضها جامده ما تتغير ...

بيحصل ركود ...لكن الحمد لله نفسنا عميق نتحمل نزول اسعار النفط بعكس اليونان الغارقة اقتصاديا ودول غربية وشرقية كثيرة

ولو تم السعودة بكل شيء هذا ينعكس بشكل ايجابي على اقتصادنا ...لكن ان شاء الله الامور هذه كلها تنعكس خير لنا يارب


ادرس اللي تبي تسويه واستعين في مستشارين ولو تدفع الف الفين ..إلخ ... على دراساتهم ولا تخسر رأس مالك كله .. والتجارة مغامرة بالاول والاخير بس تجارة منتظمة ومخطط لها احسن شيء

وبالنهاية ...الدراسات هذه مثل الاحوال الجوية بعضها تصيب بعضها لا ...والله هو الرازق سبحانه


بالتوفيق لك

انا اشوف من وجه نظري التحول الوطني مفيد جدا

عندك الان توطين مجال الجوالات وهذا شي ايجابي

بالنسبه في مجالات غير قابله للتوطين نهائيا بسبب عدم تقبل المجمتع السعودي لها وهي " توطين المطاعم " ما اتعقد على مر السنين بيكون لها توطين



ما اعتقد فيه مجال غير الجوالات قابل للتوطين


وفقكم الله ..التجارره في ارتفاع لاحد يخاف

الفرص لا تأتي الا وقت الأزمات

صحيح في ركود

لاكن الي ماهو صحيح اني اجلس انتظر شيء مدري متى ينتهي

واذا كنت متخوف ابدء في مشاريع صغيره وهي اصلا المشاريع المربحه

حاليا

لاكن اجلس اتفرج واستمع للمحللين الاقتصاديين

والمقصود بكلام المحللين ماهو مشاريع صغيره يتكلمون عن الملايين

حنا ندور مشاريع ماتعدى 50000

نعم انصح الجميع بعدم الدخول في التجارة في هذه الفترة
لانه فيه ركود قوي في الاسواق وضعف في القوة الشرائية والايجارات خيالية وبدأ الكثير يطلع من السوق لانه ماهو قادر يدفع ايجاره ورواتب عماله
وفي محلات بدأت تخفف من عمالتها