تأسس الموقع عام
2006
Site was established in 2006
مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك |
أضف رد |
|
LinkBack | أدوات الموضوع | انواع عرض الموضوع |
|
|||
لا تبخلون علي بمشورتكم ياإخوان ..!
السلام عليكم .. يااخوان قصتي شوي طويله لكن تكفووون رأيكم يهمني .. طلبتكم لاتردوني الامر مهم :o قصتي كالتالي .. انا كنت موظف سابق بأحد الفنادق الفخمه ( خمس نجوم ) بالمدينه المنوره .. وكانت وظيفتي محاسبه وهي ماهي من تخصصي لكن الشكوى لله وقبلنا فيها وكان الراتب 1500 ريال بالرغم اني خريج جامعي .. والدوام يومياً 9 ساعات وإجازه يوم واحد .. طبعاً آخر الدوام لازم اسوي جرد حق الشفت حقي وكان ولله الحمد مبلغ وقدره 2865 ريال .. وحطيتها بظرف وكتبت اسمي على الظرف والمبلغ اللي حطيته .. ورحت للاستقبال وحطيتها بالخزنه ووقعت ورقه عند الخزنه بإسمي وبالمبلغ اللي اودعته بالخزنه وتوقيعي والوقت اللي حطيته فيه .. هذاا الشئ عادي ورتيني .. هذا الكلام الساعه 12 في الليل .. رحت البيت وصحيت الصباح ولقيت عدة اتصالات من الفندق استغربت .. المهم رحت لدوامي الساعه 3 وكلموني الشباب قالو إدارة الحسابات تبغاك ضروري .. رحت لهم للاسف المشرف حقي هندي والمشرف الاكبر منه هندي والراس الكبير فلسطيني وكانو كلهم ضد السعوديين المهم رحت للمحاسبه وقالي المشرف حقي الفلوس اللي انت حطيتها بالخزنه مالقيتها ووراني الورقه اللي وقعتها عند الخزنه وكان فيه بنغالي بعدي موقع بدقيقتين تقريبا وودع مبلغ كمان مثلي .. قلت له والله حطيتها ومشيت وعندك حقين الاستقبال اسئلهم المهم من هنا وهنا قالي تشك بمين في الاستقبال طبعا كل حقين الاستقبال سعوديين .. قلت له الله اعلم مابغى اشك بآحد او اظلم احد .. المهم قالي انا اشوف الوضع .. ويومين ودق علي ورحت له قالي المدير المالي ( هندي ) قال لازم يخصم من راتبي 1000 ريال شهرياً إلين مايتم سداد المبلغ المذكور طيب أنا اش ذنبي في هالحاله .. وللعلم فقط الخزنه كل شوي يجيبها موظف من موظفين الفندق خاصة حقين الروم شارج وهذا كلهم هنود .. وفيه واحد انا وغيري شاكين فيه مليون بالميه انه سارق الفلوس اللي انا حطيتها بالخزنه لانه جاء موقع بعدي في الورقه اللي عند الخزنه وهذا الشئ يأكد .. لانه الخزنه يدويه بمجرد ماتحط الظرف لابد تلف بيدك الين ماينزل بالخزنه .. انا لفيتها مره وحده ومشيت لاني اول مره استخدمها .. الله اعلم هي طاحت بالخزنه ولا لا .. لانه لو ماطاحت اكيد مليون بالميه مسروقه .. ماعلينا ,. من هنا وهنا وانا مالي ذنب قالو لا .. المهم خفضو الخصم إلي 500 ريال شهرياً بحيث يخصمونها من راتبي الين مايتم سداد المبلغ المذكور .. طبعاً وقعوني على ورقه على هذا الكلام انه أسدد 500 ريال الين سداد المبلغ المذكور < غلطه اقترفتها بحقي ماله داعي اوقع لاني ماسويت شئ انضحك علي بهالنقطه للاسف وجاء اول شهر واستلمت من الراتب800 ريال من أصل 1500 ريال .. خصم 500 ريال حقت الظلم هذي .. و200 ريال غياب .. مع انه غياب بعذر .. لكن الشكوى لله ... ماجلست يومين من استلمت الراتب ومشيت لاني كسعودي كنت محارب من العماله الاجنبيه .. اقسم بالله كنت اشغل شغل فوق شغلي وفوق طاقتي .. للاسف شغلي كثير .. لكن مردود اقل وفوق كذا محاربه نفسيه .. والمده اللي اشتغلت عندهم بس شهر ويوم لان التعامل كان مع السعوديين زفت بزفت للاسف وماقول الا حسبي الله ونعم الوكيل عليهم وعلى من سرق الفلوس ولما تركتهم كانو يتصلون علي مارد لمدة اسبوع بعدين بطلو .. ومن ذاك الوقت وانا اقدم على كذا وظيفه ومانقبل يعني لمدة 4 شهور .. راح عن بالي التأمينات الاجتماعيه .. اتصلت بهم اليوم وقالو انت مسجل لدى الفندق المذكور يعني مستحيل يعطوني الاستقاله الا لما ادفع 2365 ريال الباقي رأيكم اش اسوي ياأخوان .. والله قهر ادفع شئ وانا ماسرقت شئ ولا حاجه عشان الاستقاله .. مع انه مافيه الا هذا الحل عشان اتوظف بعد كذا إن شاءالله لكن مافيه طريقه ثانيه تخليني يعطوني الاستقاله بدون مادفع شئ لانه ظلم وربي دلوووووووووووووووووووووووووووووني تكفووووووووون
التعديل الأخير تم بواسطة بحراوي ; 24-11-2008 الساعة 01:10 PM |
|
||||
اخوي كلام حجازي ممتاز بس في ملاحظه غابت عنه وهي انه اذا قدمت الى مكتب العمل وقلت لهم نفس الكلام راح يخاطبوا الفندق وراح يطلع الفندق الورقه اللي انت موقعها وتسدد الدين وانهم ممكن يزيلوك من التأمينات ولكن ما راح يخلوا طرفك لين ما تسدد لان غلطتك الوحيدة والكبيرة هي التوقيع لان معناته اعترافك بالجرم ...... |
|
|||
شكرا لمن تفاعل مع قصتي .. |
|
||||
|
أضف رد |
(( لا تنسى ذكر الله )) |
|
|
|