[[align=center]
align=center][/align]السلام عليكم ورحمة الله وبركاته


انا معلمة في مدرسة اهلية من بداية السنة وعقدي مدعوم من الموارد البشرية وبعد ماكنت استلم 1500 اول ما اشتغلت صرت اخذ 2200ريال والحمد لله
من فترة جاتنا المديرة تقول الي عقدهم مدعوم من قبل الموارد لكم بشارة وهي ان راتبكم مستمر خلال الاجازة الصيفية وانبسطنا بالخبر بس انا كنت اتوقع انه بس راتب الموارد الي بيمشي يعني بس 700 ريال قالوا لا الراتب كامل بس بشرط انه متى ماطلبت منكم المديرة تدامون فالاجازة تدامون قلنا اوكي اصلا مافي شغل فالمدارس فالاجازة عشان تطلبنا والمديرة قالت بس راح تداومون لو لاقدر الله فيه رسوب واسبوع قبل بداية السنة الجديدة ووقعنا على الموافقة
اليوم الي بعده قالوا اتصل مالك المدرسه وقال انه لا الدوام يومي كل الاجازة وثمان ساعات وماراح يكون راتب كامل راح يخصم منه 500 ريال ومالكم الا اجازة العيد وقال الي مو عاجبها تكتب لي اقرار تنازل عن الراتب عشان يرسله للموارد لما تساله ليه مانزل رواتبنا فالاجازة وقدموا على اجازة كل العطلة قلنا بيناتنا راح نشتغل بالتناوب احنا 6 معلمات بس الي عقودهم مدعوم من الموارد البشرية ثلاثة كل اسبوع وكأن للجدران اذان اتصل وقال راح اتصل يوميا اتأكد ان كل المعلمات بالمدرسة وبكلم كل وحدة شخصيا وبرسل لهم مشرفات بشكل مفاجئ قلنا الشكوى لله نداوم بالاجازة ماراح نداوم لاننا محتاجين بس عندا فيه خصوصا اننا كلنا ماورانا مشاغل ومسؤوليات(:
لما شافنا كلنا موافقين وما احد وقع على تنازل عن الراتب اتصل وقال انه ماراح ينزل الرواتب فالاجازة وانه راح يجمعهم لبداية السنة الجاية وينزلهم دفعة وحده لانه راح يكون مسافر برى المملكة كل الاجازة وحسيت ان بعض المعلمات ترددوا ولسى ما ادري ايش بيصير علينا نداوم اولا
حبيت احط الموضوع عشان اعرف هل هو له حق يسوي كذا وهل الموارد مانستلمها فالاجازة الا لازم نكون مداومين لان الموارد من الحكومة وتوقعته زينا زي المعلمات الحكوميات الراتب يمشي فالاجازة
اناشكيت ان مالك المدرسة قال كذا بس عشان يسدها فوجيهنا ونوقع له على اجازة بدون راتب مع العلم انه بالعقد مكتوب انه من حقي اقدم على اجازة 15 يوم براتب مدفوع مقدما والي شككني انه يكذب وما اعرف كيف اتأكد انه بالبداية قال لاتداومون بالاجازة واكتبوا اقرار تنازل عن الراتب وتاخذوا بس راتب الموارد الي هي 700 ريال وبعدين قال لا الي ماتداوم مالها راتب نهائي لامني ولا الموارد؟؟!!!!

فهموني سالفة الموارد وايش انسوي معااااه وايش الي لي وايش الي علي؟؟؟!!!!
[/align]

********بأنتظار احد يفهمني سالفة الموارد):

بسم الله الرحمن الرحيم ، والصلاة والسلام على اشرف المرسلين أما بعد /
أختي الفاضلة _ أتكلم معك بحكم تجربتي في المدارس الأهلية لأكثر من ثلاث سنوات _
أولا :: الله يعينكم ويفرج كربكم ( لأنكم عندي في حكم المجاهدين والمجاهدات )
اول شي سؤال / اعتقد انك وقعتي على عقد مقدم من الموارد البشرية ؟؟ اكيد وقعتي ، عليه شعار الموارد في اعلى الصفحة فوق ؟؟ تأكدي من المعلومة هذي جيدا .....

اما بالنسبة للمالك وحركاته فكلهم كذا ( لازم يسوون حركات تطفيش للمعلمين والمعلمات ) لأن ماهمهم في الدنيا هذي الا الفلوووووووووس وبس
احب اعطيك معلومة ( الدعم المقدم من الصندوق لكم هو مبلغ 1200 ريال ) يعني هو الي جالس يدفع 700 ريال
فقط لاغير ولا يقولكم غير الكلام هذا .. لأن الصندوق عنده حد أعلى وهو 3000 وحد ادنى 1500 ريال

بالنسبة للاجازة ( انكم تداومون فيها هذا حسب اتفاقكم معه وحسب ماهو مبين في العقد )
سألتي عن الاجازة الي انتي تستحقينها ؟ هذي لازم انتي تقدمينها بطلب رسمي ويوافق عليها مرجعك بشكل رسمي ومثبت _ انتبهي للنقطة هذي _ لازم تكون اوراق رسمية معك نسخة منها ،

الدوام بالنسبة لكم في الاجازة ببساطة الي تداوم وتثبت دوامها بتوقيع وانصراف ، تاخذ حقها كامل الراتب
2200 ريال ،، ولا يقدر يخصم منكم ريال ( بس بشرط يكون فيه اتفاق واضح على مسألة دوام الصيف )
واثبات حظور وانصراف ..
ولو حاول يخصم تقدرين تشتكين عليه في مكتب العمل ... معلومة هو ماراح يقدر يخصم ولا ريال لأنه يعرف النظام جيدا ..(( تقدرين تقولين له الكلام هذا )) وشوفي كيف ينخرط علومه خخخخ

عموما لا تردون عليه في كل مايقوله ( عجبتوني انكم طنشتمووه وقلتم نداوم يعني نداوم ) كذا يتجنن
لا زم يعطيكم رواتبكم كاملة كلكم .. ماعليكم منه داومو وخذو رواتبكم شهري يمكن يقدر يأخرها شهر شهرين بس موب اكثر علشان ماتطلع الشكاوي عليه ...

وبالتوفيق اختي الكريمة لك ولكل اخواني واخواتي المجاهدين ...

^
^

مراح ازيد على كلام اخوي إلا حاجة بسيطة

بإمكانك تروحي لوزارة التربية والتعليم

وتقدمي إفادة انتي والمعلمات عن اللي صار

لأن المدارس الأهلية مسجلة من طريق وزارة التربية والتعليم

وأي خطأ او تلاعب الوزارة تتحمل المسؤلية

أتكلي على الله ورحوا لهم

والله يكون في عونكم

كيف عن طريق الموارد توظفتي يعني بموقهم قدمتي
\
والله يعينكم

والله لو لي خبره كان ساعدتك

كل اللي اقدر اقوله .. ايش يقول المدير قولي تم عشان ينجن منكم ههههههههههه

خليك نشبه الدنيا مو فووضه ..؟

الله يهونها عليك وعلى صحباتك وياخذ حقكم منهم الجبارين

الله يساعدكم والله كلام يرفع الضغط

ماعندي كلام أٌقولة لأني ماعندي خبرة في الموضوع

بس الله يعينكم

أحد معارفي كانت تعمل في مدرسة أهلية كبير ةومعروفة في جدة ... وقعت عقد ودعم من صندوق الموارد البشرية .
لكن مديرة المدرسة حسبي الله ونعم الوكيل فيها كانت تأكل حقوقهم ما تعطيهم ولا ريال في الأجازة ...
حتى انتهت مدة الدعم وهم ما أخذوا شي .
عشان كذى أختي الغالية انتبهي ... من ملاك المدارس الأهلية يأكلون أموال الضعفاء بغير وجه حق .

طيب كيف نعرف ان احنا مدعومين من الصندوق وهل كل المدارس مدعومه ضروري واذا كنا مدعومين وهم ياكلون حقنا اش نسوي ارجو الرد ؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته

في حين طلب المسئول عن المدرسه بهذا الخصوص أطلبوا منه خطياً مخاطبتكم وعدم التفاهم معكم شفهياً هذا أولاً .

وعليكم بإبلاغه بأنكم ستتقدمون إلى شكوى لوزارة التربية والتعليم بماحدث منه مع نسخه للموارد البشريه بذلك .

وأكتبوا له خطياً بإستفسار موجه للمديره شخصياً تطلبون منها إفادة بهذا الخصوص بدون التطرق لما حدث بينكم وبين المدير مع كتابة نسخه لإدارة التربية والتعليم بالمنطقة وفي حين رفضها إتصلوا بجهة الإشراف وستكون هناك مشرفات يحضرون للتأكد من ذلك .

وعند ردها على خطابكم إن رأيتم أن الموجه لكم بصالحكم فأعملوا به وإن لم تروا بأنه في صالحكم أخبروا صاحب المدرسه بأنكم ستقاضونه لدفع مايترتب على أي مستلزمات ماليه مستقبليه وأن عملكم يكون وفق أنظمة الدوله وليس وفق مايقتضيه نظامه الخاص .

حينها سترون بإذن الله أن هناك الكثير من الأمور في صالحكم ولكن جهل الموظفين بأنظمة العمل ومالهم وماعليهم هو مايجعلهم يترددون في المطالبه بحقوقهم أينما كانت ومن الممكن أن يتم التعرض لهم بالضغوط النفسيه ورغبتهم بترك العمل لقاء البحث عن الراحه وهذا مستحيل

بالمناسبه لدينا موظف مضغوط عليه إلى أبعد درجه وإبتسامته لا تفارق محياه وأستغرب منه صبره على الظلم وسكوته المستتب الذي أدهشني مع العلم لو أستشارني في شيء لأفدته ولكنه رضي بما هو به ولكنني أعتقد بأنه ينتظر الفرصه ليصفع ذلك المسئول على وجهه بتهمه من الممكن ان تكون صائبه أو خاطئه

ومن ذلك الكلام الذي اشرت إليه أن الموظف يتبع النظام ولا يجعل عليه ثغرة من الممكن أن تفقده وظيفته ورزقه ،
وتأكدي بأن الأرزاق بيد الله سبحانه وتعالى .

وأتبعي ما تطرقت له بالكتابه خطياً وعدم الإستماع للتوجيهات الشفهيه التي تكون خارج نطاق الأنظمة وفي حين معاودته الإتصال أخبروه بالحرف الواحد أن يقوم بمخاطبتكم وأنكم ستتبعون المعتاد في المدارس الأهليه وبرفضه صاحب المدرسه ستقاضوه وبذلك سترون الأخلاق العاليه التي سيتبعها


وبالتوفيق