السلام عليكم

حبيت افيدك ولاتنساني من الدعاء

المشروع كويس ولكن فيه امور كثيره مثل

من يضملك ان الباص يمتلي عن اخره في المشوار الواحد؟
يوجد فترات كثيره فيها ركود مثل رمضان والحج والصيف والاجازات
هناك مخاطر مثل تعطل الباص ومثل تاخر الباص عن الزباين ومثل الحوادث والاوراح بعيد الشر ان شاء الله
وايضا العامل مهم فهو ممكن يعدم السياره وايضا يركب طالبات او طلاب دون علمك او يوصل مشاوير دون علمك.

المشروع طيب ولكن لاتبالغ في التفائل لان لكل مشروع ضريبه

بالتوفيق ولاتنسانا من دعائك

مشكور اخي الفاضل من هالناحيه ان شاءالله براقبه عن بعد وزي ماقلتلك اتفق مع اولاياء الأمور بالشهر وبأجازة الطلاب راح يشتغل اي شغــله وشاكرلك مرورك

الله يعطيك العافيه عااااااد يا ولد حرب قلت لازم اقول لك هلقصه اللي صارت معي
ايام الجامعه صعب علي المواصلات كنت اروح انا وزميلاتي مع واحد اتشادي والله على كلامه الرجال صار شبعان تزوج واشترى سياره اكبر لان اللي كانت معه صغيره ياالله تشيلنا الحين من كثر النعمه وكثر الزباين صار يودي مشاوير لسوق حتى لو ماهو هذاك البعد والله بـــ 50 واكثر استفادته من بنات الجامعه ومشاويرهن
رقمه انتشر داخل الجامعه كان يودي طالبات مدارس من 5 الصباح يطلع من بيته ويبدى بلموظفات وطلابات توصيل بعد اكل للبيوت مايرجع غير اخر الليل سبحان الله الرجال الله فتح له عشان كذا انا اتمنى انك ماتتردد وتتوكل ع الله وياجعلها فاتحت خير لك وسمع اذا انت عاطل ماعندك دوام انت سوق سيارتك ودي المشاوير بنفسك لين تحس نفسك شبعت بعدين هات لك سواق احسن لك عشان ....كلامي كثر خخخخخخ خلاص الله يوفقك

أخوي مشروعك حلو وناجح إن شاء الله وإذا أنت من سكان الشرقيه يمكنك نقل معلمات أو طالبات الجامعات

اللي يدرسون في البحرين يعني كل يوم تأخذهم من الدمام أو الخبر أو حتى الجبيل وتوديهم للجامعه في البحرين

هذي أحسن لك وفيها مبالغ حلووو وخاصة اللي يدرسون في البحرين من عوائل هاي يعني كاش بيدفعون لو تقول

ألف في الشهر بس كل ماعليك هو أن السياره باسمك وتسوي أعلان نقل طالبات ومعلمات من المنطقة الشرقية \

للبحرين وبعدين الحين الجسر مسوين كباين خاصة بالطلاب والطالبات يعني مافيه أي مشاكل .

الله يوفقك ياخوي ويسدد خطاك بس لاتتردد وخلك جازم

اولاَ انا كـ طالبه في جامعة الملك فيصل اعرف وضع البنات والسواقين وكل شي ..

احنا يالبنات واولياء امورنا مايركبونا الا مع باصات خاصه من مؤسسه معروفه وموثوقه ..

تبعد عني الجامعه 70 كيلو ادفع للشركه 400 ريال .. ليه 800 كثيييير ..!! <<عز الله راحت المكافأه كلها

انا والله مااحب احبط احد او احطم احد لاكن احب احطك بالصوره وللأمر الواقع ..

بتجيب سواقين مثلاَ بدون مؤسسه خلها حول بنات المدارس والمدرسات 150 الى 200 ريال لكل طالبه وطالب

بتسوي مؤسسه يبيلك راس مال كبير شوي عشان تجيب سواقين وباصات ..
ولا تنسى ان فيه هناك مؤسسات نقل تنافس الثانيه .. زي انا اروح بـ 400 .. فيه مؤسسه ثانيه بـ 380<فرق 20 ريال المؤسسه الثانيه زحمه عليها ولا في مكان عندهم ابداَ..

انا من رأيي تبدأ اول في منطقتك باصين واحد للأولاد والثاني للبنات والمدرسات وتحط لك اسم على الباص ومع الوقت تنشهر شوي شوي وتفتح لك مؤسسه بأسمك وسمعتك الي صنعتها لـ نفسك ..

واذا عندك راس مال قوووي ومستعد تجيب باصات وسواقين .. توكل على الله ودور على محلات النقل وشوف كم اسعارهم لازم يكون سعرك منافس ولا كل كيف تشتهر ..؟

يعني بتكون اسعارك مرتفعه ومحد يعرف عنك شي .. <كذا بـ تخسر لا قدر الله ..

وانا اقولها لك مجال النقل ترى مربح ..

لاكن لاتتهور ابدأ حبه حبه ..

والله يووووفقك ويرزقك وانا اشجعك وبقووه

كنت أبي اعطيك نصيحة

ولكن توقيعك يدل على تعصب وقلة إحترام

تقبل نقدي ،،،

بالتوفيق يا أبن العم
والتوفيق للجميع
بس عندي ملاحظه
(( المبلغ 800 ريال مبالغ فيه ))
لأن مستحيل تجد من يتعامل معك
بهذا المبلغ إلا قليل فإن الأجر المتعارف عليه
( 400-600 )


والله ولي التوفيق

فيه نقطة مهمه
انه لازم يكون السواق سعودي
داخل المدينة ممكن ما ينتبه لك احد
لاكن بين مدينة ومدينة نقاط التفتيش ما يخلونك

فكرة جميلة

عندك بنات الدمام والخبر اكثرهن يدرسوا بكلية في الجبيل لان مافي الا كلية البنات بالدمام كليه وحده وماتقبل اغلب البنات مالهن الا كلية الجبيل وتختلف تخصصاتها حسب ما عرفت من ينت اختي

برضوه عندك النقل في القرى والهجر والمدن الصغيره ما يقل عن المدن الكبيرة والشغل هناك اسهل
ولو تدرس الوضع في مدينتك يكون افضل بحكم المعارف والخبرة


الله يوفقك يا نصراوي ياعالمي

اشكرك اخوي على الدعوات الطبية لا عدمناك والله يكتب لك الخير

واذا كان ماعندك سيولة قدم على المئوية تراهم يمولون والله يوفق