ابي افصل

شوق الولد · #31 (**permalink**) 23-07-2010, 11:51 AM

انا اقولك يا اخوي ..

دام فيه ابتعاث افصل وافصل وافصل

ماعليك من احد روح سافر للبعثه توكل على الله
وماعليك وبإذن الله بتتوفق وبصير لك مركز مرموووق
مو خفارات و..............!!
وليتها على سنع .

بالنسبه لطريق والانظمه
والله مااعرف بحكم اني بنت
بس زوجي يقولك :
سهله
الغياب الحل
وبعدها يرفعون فيك
ويقولك الله يلعن العسكريه..
*
وربي يوفقك اخوي

مع العسريسر · #32 (**permalink**) 23-07-2010, 02:25 PM

شوري عليك لاتفصل تندم اخر الشهر تجي الصرافه صفر وتروح تذل نفسك تطلب فلان وفلان غيرك مالقا هالوظفيه احمدربك تعوذ من الشيطان انقل او خذ

اجازه من دون راتب اشرح ظروفك لمسؤلك وبيقدر اكيد

والله منصح لك واعرف يا اخي ان اغلب الي بالوظايف عسكر او غيرهم تحسبهم مرتاحين لا لكن عشان يعزون انفسهم ويغنونها عن منة الناس ويتعيشون

يتزوجون اغلبهم مو مرتاح بس صابرين ومن صبر ربه بيفرجها له شوري عليك دوام الحال من المحال 000000وموفق

السايكولجي · #33 (**permalink**) 23-07-2010, 02:57 PM

أي ابتعاث اللي تتكلم عنه
الان عشآن تبتعث لازم تكون نسبتك في الثانويه العامه ممتازه
والقدرات تكون فوق 75
<< اذا تشوفها تتوفر فيك ..افصل

واذا بتدرس انتظام بالجامعات السعوديه .. وعلى بالك ان ابواب الخير بتنفتح بوجهك
هذا اجنا جامعيين ..ومعدلاتنا وتخصصاتنا حلوه ..وجالسين نخمس

نصيحه ..فكر الف مره
لان ماعمري قد شفت احد فصل من العسكريه وحالته حلوه
والشغل في كل مكان في اهانات وذل ، والله لو انك دكتور

بالنسبه للفصل مآعندي خلفيه
وموفق ان شاء الله

عاشق دينا · #34 (**permalink**) 23-07-2010, 05:04 PM

الفصل ماراح يكون حل بلعكس رايح يزيد المشكلة
ارجو الاجابه على الاسئلة
المشكلة تتعلق بالاستلامات ولا بلمكان اللي انت فيه ولا ايش
حدد المشكلة وان شاء الله نساعدك على حلها
الاخوان جزاهم الله خير في المنتدى كلهم معارضين قرار الفصل يبون لك الخير
بس وضح المشكلة

كادي الشريف · #35 (**permalink**) 23-07-2010, 07:19 PM

اولا الله يعينك اخويه ويسهل عليك ( والله يشغل عدوك بنفسه )

إن ما طاعك الزمن طيعه وانا اختك ، عصفور باليد ولا عشرين بالشجره

ادعي ربك مايخيبك وانا اختك والنفس ماترضى الاهانه ( ارفع خطاب لو

احد غلط عليك ) وبالنسبه للتعب يااخوي ترى ماحد مرتاح وتعب الجسم

ولا تعب البال وهم المصاريف وووو

وإن كنت تضمن البعثه قدامك المطار الله يسهل عليك

بس زي ماتفضل الاخ جامعيين ومالقوا وظايف و صراحه انا خريجة الترم الي فات

وبكالوريس ترجمه وللأسف الشديد ياإما واسطه ياإما اجنبي يتحكم فيك ( يعني شي

يحرق القلب سوريه عندها معهد وانا اشتغل مدرسة براتب 1500 ولا يفوتك التلاعب

الموارد تنزل 3000 يعطونا 1500 و1500 في جيوبهم لا حسيب ولا رقيب وماخفي

في مجتمعنا كان اعظم)

راجع نفسك اخويه واستشير ربك والزم السجاده وماتخيب بإذن الله ، وخلي عندك

حسن ظن بالله وإن شاء الله تكون عسكري مرتاح ومو عسكري متبهذل

وحلاوة الراتب تنسيك من التعب شوي وابشر لا تعبت وانت شباب

بترتاح في كبرك ماعليه هونها وربي يسهلها

موظف في شركه · #36 (**permalink**) 26-07-2010, 08:13 PM

والله ما جربت العذاب اللي جربته

والحمدلله الى اللحين ماشي بوظفيتي ولي اربع سنوات فيها رغم التعب والكرف

اقعد فيها وتحمد الله بس

هفو · #37 (**permalink**) 26-07-2010, 09:24 PM

تبـــي تفصل ! ! ! ! !
وااااااااااااااااااااااااااااااااااااااااااااااااا و

وانا هنا اسخط واجزع (آبي وظييييفة)) ابيها لو ب1000 ريال ونت تبي تفصل منو في هذا الزمن يبي يفصل ....نو وي ,,,,,

باريو تفاح · #38 (**permalink**) 26-07-2010, 10:29 PM

انصحك لا تفصل !

ولله نصيحه مع اني ما اعرفك ولا تعرفني لكن ابغا لك الخير

تفصل وش تسوي ! تجلس في بيتك بدون شغل

زعلان على الدوام ترى مهب انت للحالك اللي ذبحهم الدوام بعدين وظيفتك رسمية وحكومية يعني في نعممممه لاترفس النعمه برجلينك ولله انك في نعمه من الله بتندم ندم لو فصلت الا اذا انت واثق من وظيفة تقدر تاخذها

واذا السالفة على الدوام فيه مهندسين في شركة شلمبرجير يداومون يوميا ً 12 ساعة يعني نص اليوم دوام ومكانهم معفن في حقول النفط يعني في الخلاااا يدوامون 30 يوم ورا بعض خميس وجمعة تجي وتداوم 12 ساعة وتاخذ اسبوعين اجازة بعد الشهر وترجع تداوم من جديد لكن الدنيا لازم لااااازم التعب الواحد ما يحصل اللي يبغاه ببلاش !

انصحك تاخذ اجازه وتهدي نفسك وبتعرف انك في لحظة غضب وتسرع وطيش والله يوفقكـ !

فتى آل نجد · #39 (**permalink**) 27-07-2010, 11:53 PM

يا أخوي أذا نويت تفصل يا أخوي طيب أفصل وانت مستفيد والحل عندي :

أنا جندي في القوات البرية وش رايك تداقشني ولك
20000 ألف ريال ( عشرون ألف ريال ) وبعدين يمكن يعجبك عملي وتواصل وأن ما أعجبك فأنت تخلصت من العسكرية و أستفدت عشرين ألف ريال .

راسلني إذا وافقت

عبدالرحمن محمد ا · #40 (**permalink**) 30-07-2010, 11:42 AM

ياخوي افصل وريحنا ههههههههههههههه
انا متاكد انه لازم تاخذ لك محكومية 45 يوم لانك ماكملت المدة المشروطة في الخدمة وهي 4سنوات وبعدها تعدل مهنتك والرزق على الله