السلام عليكم ورحمة الله وبركاته

اولاً أعتذر عن عنوان الموضووع ولكن هذه الفكره في راسي من مده ..

الفكره وهي يا اخواني ويا اخواتي اني اسوي موقع أو منتدى على الانترنت بحيث يكون في مجال يأخذ اكبر عدد من الزوار ويجون الشركات ولا الموسسات ولا الأفراد يعلنو على موقعي واخذ فلوس مقابل الاعلان (حلمي ذا والله )

مثلا ً نشوف الاعلان اللي بالمنتدى ذا " حلول البطالة" فلوس ماشاء الله ..
علماً بأني مبرمج حاسب آلي بس مادريت وش من فكرة اسوي للموقع ... شوي افكر في موقع تعليمي شوي موقع تجاري .. يوم اجي ابحث عنهم الاقي في مواقع ومنتديات بنفس الفكره على الانترنت يعني مجهودي رح يروح هباءً منثورا.

المطلوب ابغى فكرة لموقع أو منتدى يكون مخصوص بحاجه جديده على مجتمع الانترنت ... واللي يبغى يشاركني الفكره انا مستعد
ولكم جزيل الشكر والعفو على الاطاله

حلم ممتاز ولكن تذكر الشركات لن تاتي اليك الا اذا كان موقعك مشهور ويجذب الزوار. ويارب يكبر حلمك حتي ياتي زي موقع الفيسبوك من ناحية الموقع الاول في العالم بتحقيق الارباح من خلال الاعلانات فقط..

مووفق اخوي

ودي اشاركك والله , بس وش الخططوات

ذبحتنا الطفررة , المكافأة خلصصت وراح تنزل السبت ومن امس ما اكلت شي .. قاعد بالغرفة ماقدر اطلع ولا اجي ..

ش الخطوات المطلوبة

شف أنت وش تقدر تساعد الناس فيه يا اخي ..

يعني مثلا ما تقدر تفتح منتدى سباكة و انت طيّار !!

شف شي تعرف صنعته

اذا انت مبرمج .. خل مثلا موقع تفاعلي .. منتدى او شي زي كذا ..

مثلا تخصص فقط في البرمجة فققققققققققط يعني لا تقعد تتفلسف تحط منتدى اقتصادي منتدى العاب و ترفيهي و منتدى طبخ و ما ادري ايش

خلك مركز على نقطة .. اذا انت شاطر بالبرمجة .. أسعى كل السعي أن يصير موقعك الأكثر شهرة .. في هذا المجال ..

مثلا تقدر تسميه موقع التوفل ( ملتقى المبرمجين العرب ) !! لا تكثر كلام كثير فيه .. فكر بشكل جيد لو بتحط أقسـام في المنتدى خل كل الأقسـام تصب اولا و اخيرا في حقل البرمجة

مثلا لو تبي تفتح منتدى تجاري فيه .. ما يجي كل واحد يعرض فيه مثلا مشروع بط و وز و ما اشبه !! ينصب فقط في التجارة المتعلقة بالبرمجة ..خلك مركز ..

كثر دروس .. أتعب عليه كبداية .. الناس تفتقر للدروس .. خل مثلا عندك منتدى ( البرمجة لغير المبرمجين ) وخله مخصص و بلغة بسيطة للبرمجة للي ما يعرف يبرمج يعني انا كشخص بسيط اقدر اتفاعل معه ..

باقترح عليك مثلا

منتدى لغات البرمجة .. تفتح مواضيع تتعلق بلغات البرمجة .. و الفرق بينها و كذا ...
منتدى طلاب الجامعات .. تخليهم يركزون ع البرمجة
منتدى برمجة تطبيقات الآي فون ..
إلخ .. و لا تكثر ستين الف قسم خل الناس لا تتشتت

بكرة احد يسـأل خويه .. تعرف لبرمجة الابل ؟ علطول لا شعوريا يقول شف منتدى المبرمجين العرب ..

افتح قناة يوتيوب .. و خل الاعضاء يشاركون .. يعني حط اعلان من الي يحب يشارك

حسن علاقتك مع الاعضاء المميزين سواءًا بسعة علم و لا لا
بكرة ما تدري ممكن تحط دورات اون لاين

تجيك بعدها الشركات يختارون موقعك

تحط منتدى طلبات الوظائف و منتدى عرض الوظائف

و الله يوفقك هذا الي جا ببالي

لو اعرف للمواقع كان سويت لي موقع و الله بس الشكوى لله

الاخ مقبل على الدنيا .. كل كلمه من كلماتك "حكمه" بارك الله فيك اخوي ...صحيح الواحد لازم مايتشتت بين اكثر من موضوع في موقع معين لازم يركز على موضوع محدد والحين طرأت ببالي فكرة ان شاء الله اوضحها لاحقاً
بارك الله في اناملك

أخوي إذا تبغى شركة تستضيف الموقع وتعمل له الدعم وكل شيء راسلني على الخاص

وبالنسبة للأفكار لو أحصل فكرة راح أقولها لك بإذن الله