تجمع للأخصائيات الإجتماعيات ( خدمة إجتماعية .. علم إجتماع ) حييـآآآكم ..

ماعندها سالفه · #41 (**permalink**) 20-04-2013, 06:28 PM

اقتباس:

المشاركة الأصلية كتبت بواسطة إلى الله سرنا

السلام عليكم ورحمة الله وبركاته

كيف حالكم صديقاتي ^_^

طبعا انا تخصصي خدمه اجتماعيه حالي حالكم ,, متخرجه من 3 سنوات

ماقدمت في جداره ابدااااا ,, ولا تسألوني ليش ^_^ ,, لاني مالقيت تخصصنا مدرج من ضمن التخصصات وغسلت يدي منهم

انا اختبرت قياس ,, ولا تسألوني ليش هههههههه ,, شفت العالم تختبر قلت وش زودهم عني

انا اشوف ان تخصص علم اجتماع افضل حال مننا , لان لهم تصنيف في التخصصات التعليميه ,, معلمة علم اجتماع للثانوي

اما احنا ,, لا لا معلمه ولا مرشده ولا هم يحزنون

والقهر قمة القهر لما تشوفين المرشدات الطلابيات في المدارس الحكوميه منها والاهليه ,, تخصصاتهم لا تمت للارشاد بصله ,, اللي تخصصها جغرافيا !!! واللي تخصصها أحياء !!!

عادي موظفينهم اخصائيات اجتماعيات

المفروض يكون فيه عددل ,, حتى احنا يوظفوناا معلمات جغرافيا واحياء .... الخ

وبالنسبه للي تبي تتوظف بمستشفى ,, لازم تاخذ بطاقة الهيئة السعوديه للتخصصات الصحيه

واذا كان مر على تخرجك اكثر من سنتين ( مثل حالتنا ) لازم تتدربين في مستشفى حكومي لمدة 3 شهور

برسوم 1000 ريال لكل شهر

وبالنسبة لسؤالك يا ماعندتس سالفه ^_^

خريجات الخدمه يصنفون مرشدات طلابيات ,, وبهالتصنيف يتقاضون راتب نفس راتب المعلمات تماما

اما لو كانوا ادرايات , ماعندي خلفيه صراحه

طيب بنات : مافكرتوا تكملون دراسات عليا ؟

هههههههههههههههه انتي عكس الدنيا ماقدمتي بجدارة واختبرتي قياس

خلاص مو سائلينك ع طلبك

بخصوص الاخصائيات ايه اغلب الموجودات مو اخصائيات معلمات وحطوهم بالارشاد

واللي يفقع المرارة ليه اغلب المدارس بس مرشده حده وش هالظلم

الحين مافيه معلمه يمسكونه ماده لكل المراحل الا لو موادها قليله او المدرسه طالباتها موكثير

ويجون يحطون مرشده وحده ويبونها تنجز كل شيء وتكون مؤثرة فالطالبات مستحيييل

مفروض بكل مرحلة يحطون ثلاث كل وحده مسئولة عن صف ميعين اقل شيء يابتكون مسئولة عن 3 فصول وبالكثير 6 كذا تقدر تعرف شغلها وتسيطر ع مجموعتها اما امة محمد كلها فوق راسك بيطلع هبال مو عمل

غير موضوع البرامج الارشادية اللي تتفعل ووالانشطة فالاغلب يحطوها براسها مهلك كذا العمل

....................

وصح خريجات علم الاجتماع فرصتهم فالتوظيف اكثر لان ممكن تعمل معلمه

...................

وكويس اجل كلامي مضبوط المرشده تكون تستلم راتب معلمه

طيب بسالك الحين لمى نحط الاختيارات فجدارة احط تعليمي او اداري اخاف احط اداري ويحطوني اداريه

مع انه اصلا المرشده تعتبر من الطاقم الاداري مو التعليمي ..

.....

بخصوص الدراسات العليا هي حصلت لنا وقلنا لا

نقدم ومحد عطانا وجه

ماعندها سالفه · #42 (**permalink**) 20-04-2013, 06:32 PM

اقتباس:

المشاركة الأصلية كتبت بواسطة مجروحه بس أكابر

بنات انا خدمة اجتماعية .. وتوي قبل شهر سجلت بجدارة مع اني خريجة من 4 سنوات اول ماتخرجت بس قدمت على الديوان مره وحده فقط ومن بعده حسيت ان الامل ضايع وفقدته ومع مرور الايام مريت بظروف نستني اني اقدم اصلا مدري متى يفتح ومدري متى يسكر ولا ادري وين الناس فيه مو اهمال للظروف اللي مريت فيها .. والحبيب الجديد اللي اسمه قياس مدري مقياس مدري تشويت يعني احلمو بالوظايف هذا استحقرته وكرهتهم مثل جدارة وقلت اكيد ملعنتهم مثلهم بالتمام رغم هالمره سالت الكل عن تخصصي متى راح يكون قالو انتو بعدين باقي لكم اسبوعين ويفتحون او اكثر ومرت الايام ونسيت عنه وشكله راح عني هالقياس ولا ادري وش معناه ولا وش سالفته صح بالنت المفروض ادخل اسوي سيرش بس التحطيم والايام اللي تمشي بسرعه بظروفها نسيت م ادخل ابحث واشوف واستكشف .. فمو فاهمه شي وبجد بديت اتوه مع ذا التخصص النايم .. اللي عندها اي خلفيه عن وضعي تعطيني امل سواء بالقياس او بالنقاط اللي تتكلمو عنها او اي شي لاني والله م افهم ابد بهالاشياء ..

ياعمري انتي عادي احنا متخرجين قبل وللحين ماتوظفنا

بخصوص جدارة والله للحين مو فاهمته تمام مادخلته الا مره سجلت فيه بياناتي وعدلتها

لكن اذا الموضوع يبيله كل مره دخول فيه والله مدري

والنقاط انا وحده حسبتها لي هنا

ان شاء الله اي وحده من الصبايا تجي وتخبرك ..

ماعندها سالفه · #43 (**permalink**) 20-04-2013, 06:46 PM

حبيت ابلغكم بمنتدى حلو ويعطي دورات عن بعد وكويس وكثير من دوراتهم مجانيه

وفيه بعضها برسوم لكن معقوله

راح تفيدكم وتنمي معلوماتكم وفيها اشياء كثير تفيدك كأخصائية لو بيوم توظفتي

سواء بتعليم او صحه او شئون إجتماعية او بحياتك

العلم مافيه شيء اسمه مايفيدني

اليوم عندهم دورة بعنوان ( التعلم التعاوني )

راح تبدا الساعه 8 ونصف

وبكره وبعده ووو الاغلب مايقل عن 3 دورات فالاسبوع

ياليت اللي مو مسجله تسجل وتحضر هالدورات

مدري عادي احط اسم المنتدى او لا اخاف ممنوع .. ع العموم بحطة والله يستر ماأنحذف

أكاديمية التدريب الشامل ..

للصبر آخر خلاص · #44 (**permalink**) 20-04-2013, 06:54 PM

ياحلوات الحين نزلوا اسماء دفعه جديده مرشحات للوظائف اداريه بس مافيه وضوح ولاشفافيه المفروض موضحين التخصصات عشان نعرف وش كثر رشحوا من بنات تخصصنا ..... اذا تذكورن يابنات اول دفعه نزلوها كانوا كاتبين التخصصات ومرشحين 18 وحده تخصصها خدمة اجتماعية وكانت نقاطهم عاليه الرياض ومكه وقفت النقاط على 89 واالقصيم اتوقع 86 ننتظر والله يفرجها علينا

للصبر آخر خلاص · #45 (**permalink**) 20-04-2013, 07:04 PM

يعطيك العافيه ماعندها سالفه من جد راح نستفيد من هالدورات ونحن بحاجه لها وجزاك الله كل خير...

مجروحه التقديم على جداره مره وحده بعدين يلزمك التحديث من فتره لفتره وضروري تحدثين اذا اعلنوا عن مفاضله ........ انا اتصلت على الديوان قالت لي انتي مادخلتي المفاضله الي كانت بشهر 10/1433هـ لاني لم أحدث بياناتي يالله العوض ان شاءالله بالمفاضله الجديده لهذه السنه بس مو عارف بأي شهر ولاأحد أعلن عن شي وأرسل للخنين بتويتر بس لاحياة لمن تنادي

ماعندها سالفه · #46 (**permalink**) 20-04-2013, 07:31 PM

اقتباس:

المشاركة الأصلية كتبت بواسطة للصبر آخر خلاص

ياحلوات الحين نزلوا اسماء دفعه جديده مرشحات للوظائف اداريه بس مافيه وضوح ولاشفافيه المفروض موضحين التخصصات عشان نعرف وش كثر رشحوا من بنات تخصصنا ..... اذا تذكورن يابنات اول دفعه نزلوها كانوا كاتبين التخصصات ومرشحين 18 وحده تخصصها خدمة اجتماعية وكانت نقاطهم عاليه الرياض ومكه وقفت النقاط على 89 واالقصيم اتوقع 86 ننتظر والله يفرجها علينا

والله مادري اذا منزلين او لا

بس صدمتيني بانهم واصلين الين 86 اجل تونا عز الله انه شيء ييجيب المغص

ماعندها سالفه · #47 (**permalink**) 20-04-2013, 07:36 PM

اقتباس:

المشاركة الأصلية كتبت بواسطة للصبر آخر خلاص

يعطيك العافيه ماعندها سالفه من جد راح نستفيد من هالدورات ونحن بحاجه لها وجزاك الله كل خير...

مجروحه التقديم على جداره مره وحده بعدين يلزمك التحديث من فتره لفتره وضروري تحدثين اذا اعلنوا عن مفاضله ........ انا اتصلت على الديوان قالت لي انتي مادخلتي المفاضله الي كانت بشهر 10/1433هـ لاني لم أحدث بياناتي يالله العوض ان شاءالله بالمفاضله الجديده لهذه السنه بس مو عارف بأي شهر ولاأحد أعلن عن شي وأرسل للخنين بتويتر بس لاحياة لمن تنادي

ويعافيك قلبي

انا اخر من يدري ان فيه مفاضله

ع العموم اتمنى اي وحده تعرف متى تفتح المفاضله الجاية تجي تخبرنا ع طول

ماعندها سالفه · #48 (**permalink**) 20-04-2013, 07:39 PM

هذا اعلان منزلته عضوة اسمها فيء

حبيته انسخه هنا للي ماشافته .. والله يوفقكم فيها

شركة تعليمية كبرى بحاجه لـ
مرشده طلابيه بكالوريوس نفس التخصص العدد 30 سعوديه
اداريين واداريات ( المؤهل ثانويه( داخل - خارج الرياض ) العدد 20
سكرتيره المؤهل ثانوي العدد20
أرسال السيره ع الفاكس 2455118
qehcademy@gmail.com

^^
جميع ما أعلن اعلاه من جريدة الوسيلة
موفقين

إلى الله سرنا · #49 (**permalink**) 20-04-2013, 11:36 PM

اقتباس:

المشاركة الأصلية كتبت بواسطة ماعندها سالفه

هههههههههههههههه انتي عكس الدنيا ماقدمتي بجدارة واختبرتي قياس

خلاص مو سائلينك ع طلبك

بخصوص الاخصائيات ايه اغلب الموجودات مو اخصائيات معلمات وحطوهم بالارشاد

واللي يفقع المرارة ليه اغلب المدارس بس مرشده حده وش هالظلم

الحين مافيه معلمه يمسكونه ماده لكل المراحل الا لو موادها قليله او المدرسه طالباتها موكثير

ويجون يحطون مرشده وحده ويبونها تنجز كل شيء وتكون مؤثرة فالطالبات مستحيييل

مفروض بكل مرحلة يحطون ثلاث كل وحده مسئولة عن صف ميعين اقل شيء يابتكون مسئولة عن 3 فصول وبالكثير 6 كذا تقدر تعرف شغلها وتسيطر ع مجموعتها اما امة محمد كلها فوق راسك بيطلع هبال مو عمل

غير موضوع البرامج الارشادية اللي تتفعل ووالانشطة فالاغلب يحطوها براسها مهلك كذا العمل

....................

وصح خريجات علم الاجتماع فرصتهم فالتوظيف اكثر لان ممكن تعمل معلمه

...................

وكويس اجل كلامي مضبوط المرشده تكون تستلم راتب معلمه

طيب بسالك الحين لمى نحط الاختيارات فجدارة احط تعليمي او اداري اخاف احط اداري ويحطوني اداريه

مع انه اصلا المرشده تعتبر من الطاقم الاداري مو التعليمي ..

.....

بخصوص الدراسات العليا هي حصلت لنا وقلنا لا

نقدم ومحد عطانا وجه

شفتي شلون ,, والله اني مدري وينها هاابه >> بمعنى مثل الاطرش في الزفه

حااامت تسسبدي يختي ,, انا احب تخصصنا هوو مره حلو كعمل كخدمه تقدم

يعني فضلا على انه اذا توظفتي فقط عمل تتقاضين عليه راتب ,, ببعد هو خدمه للناس عليه اجر من ربي لو نويتي كذاا

يعني اجر بالدنيا والاخره ,, لكن وش نسووي عسى الله يحلها من عنده

واليوم تو اشوف موضوع البنات عن اانه داوود الشريان راح يتكلم عن المتخرجات العاطلات

وانهم كانوا يبون بنات يطلعون معه لحلقة اليوم

تووني ادرررررررررررري انقهرررررررررررررررت ,, كان عندي استعداد اطلع معه واتكلم عن تخصصنا والاجحاف بحقه من وزارة الخدمه المدنيه واقول كللللللل شي عننا وعن غير التربوياات

لكن للاسف توووني ادري ,, اليوم الحلقه انعرضت ,, وهم لهم اسبوع يدورون بنات يطلعون في الحلقه مرره قهرررررررر

يالله عساها خيرره

ومثل ماقلتي ,, اذا لا سمح الله وقدر الله وكتب ووظفوا مرشده طلابيه من تخصص خدمه اجتماعيه

يكرفوونها كررررررررررررررف وكل الانشطه فوق راسها ومايوظفون الا وحده لكل المدرسه ولكل المراحل ,, يعني فشل × فشل

وبالنسبه لسؤالتس عن وش تختارين بجداره تعليمي او اداري

والله وانا اختس جداره هذا ما ادل طررريقه ولا اعرف وش هو من لحيه

فماعندي اي ادني خلفيه عنه للاسف الشديد

من اسمها جاني مغص فمابالك اني اسجل فيه

اجل جداره ,, اها بس اها

اللله يرررزقنا من عنده وييسرلنا وظيفه تسر خواطرنا ياكريم

فتكو بعافيه

ماعندها سالفه · #50 (**permalink**) 20-04-2013, 11:56 PM

^^^

هههههههههههههههههه ماتدرين وشو من لحية .. يقطع ابليسك سجلي فيه

كيف تبينهم يوظفونك وانتي مو مسجله

اقول زيين انك ماادريتي عن برنامجهم ورحتي هاوشتي عليهم وانتي مو مسجله

تسان داوود يقولتس .. وشوولووه اجل جايتن تصيحين علينا

الا روحي صلي لك ركعتين شكر انتس ما انحطيتي فموقف خاايس

وبجد علمنا حلو بس يحطوون فوق راسنا الف شغله يخلونك ماتعرفين تسوين شيء

تجمع للأخصائيات الإجتماعيات ( خدمة إجتماعية .. علم إجتماع ) حييـآآآكم ..

جدارة إستفسارات ونتائج ونقاشات

الســلام عليكم ورحمة الله وبركااته مســاء / صبـاحـ الخير لكم جميعـــاً .. وعسى أموركم بخير وسلامــة بصــرآحة وانا اقلب فالمنتدى مالقيت موضوع يخص...

تجمع للأخصائيات الإجتماعيات ( خدمة إجتماعية .. علم إجتماع ) حييـآآآكم ..

تسجيل الدخول

تجمع للأخصائيات الإجتماعيات ( خدمة إجتماعية .. علم إجتماع ) حييـآآآكم ..

جدارة إستفسارات ونتائج ونقاشات

الســلام عليكم ورحمة الله وبركااته مســاء / صبـاحـ الخير لكم جميعـــاً .. وعسى أموركم بخير وسلامــة بصــرآحة وانا اقلب فالمنتدى مالقيت موضوع يخص...

تجمع للأخصائيات الإجتماعيات ( خدمة إجتماعية .. علم إجتماع ) حييـآآآكم ..