السلام عليكم ورحمة الله وبركاته

اخواني احتاج مساعدتكم وللإجابة على اسئلتي

قدر الله علي اتوظف بشركة وهي اول وظيفه تصبرت عليها والحمدالله بقي لي شهرين وينتهي عقدي معهم

عندي كذا سؤال

1
بداية عقدي معهم المسمى الوظيفي ل مدخلة بيانات ..بعد شهر انتقت لقسم اخر وصار مسمى الوظيفي الى ادارية ..بعد شهر رجعت لمسؤول الموظفين وقلت له عقدي مسماي مدخلة بيانات وانا الان ادارية ..فتح لي جهاز وططلع لي العقود الجديدة اللي راح تتغير وانو ان شاءاللله راح نعدل لك مسماك قلت حلو ..المهم مرت شهور ولا شفت شيء ولا جاب طاري
سمعت ان هالشخص بيستقيل قلت الحق عليه يعدل مسماي الوظيفي قبل لا يطلع ورحت له قالي تفاهمي مع مديرك هو المسؤؤل وبيده يغيره <<غير كلامه
كلمت مديري وقالي ارسلي لي ايميل بطلب تغغير وانا ارسله لقسم الاتش ار

ولحد هاليوم وضعي مثل ماهو شفت اسمي بصندوق هدف مسماي الوظيفي مدخلة بيانات وانا لي تقريبا سنة ادارية !!!


سؤالي هل في امكاني اطلب بشهادتي الخبرة ادارية مو مدخلة بيانات؟
في حال حطوني مدخلة بيانات اقدر اطالبهم بحقي او لا؟؟

ذي المشكلة الاولى

/

المشكلة الثانية
طلبت منهم اجازة اسبوع رفضوا بحجة الاجازة تحق لي بعد سنة ..بعد سنة ينتهي عقدي ومايربطني معهم شي عل اي اساس اخذ اجازة؟؟والمشكلة مصرين اجازتي بعد سنة
واذا مصره على الاجازة اخذها من غير راتبعلما بالعقد مو كاتبين هاشي
بالعكس كاتبين اجازة سنوية لكل موظف


المشكلة الثالثة
الشركة من دخلناها وهي مو خاضعه لصندوق الموارد
الان شيكت واكتشفت انهم تابعين للصندوق
سؤالي الراتب هل يحق لنا زيادة او لا ؟رواتبنا احنا البنات 3 بس ماتزيد نهائيا خلال السنة الاولى عكس رواتب باقي الموظفين!!



اتمنى الاجابة ومساعدتي

ياليت والله اقدر افيدك لكن عندي ملأحظة بالنسبة للأجازات
الاجازات في خلال توقيعك العقد الجديد بعد سنة او ممكن يوقعونن معك العقد قبل نهاية السنه
المهم ان بعد مايوقعون معك العقد لك مهلة 3 شهور تاخذين اجازتك اللي ماخذتيها
في بعض الشركات تستبدل الاجازات برواتب إذا ماخذتيها وفي بعضها تعطيك فقط مهله 3 اشهر من تاريخ توقيع العقد
الثاني واذا مرت الثلاثة اشهر وماخذتي الاجازه تروح عليك وفيه بعض الشركات تعطيك كلى الخيارين
يعني تقولك يا اما تخذين إجازه او تخذين بدالها راتب شهر إذا بتداومين
وبعدين حتى لو انتهاء العقد ليش انتي متشائمة انهم مايججددون لك ؟؟ هل صارت لبنات قبلك ؟؟ يعني ماجددولهم ؟؟

نظامهم اذا ما اخذت الاجازة تروح عليك ولا يعطون بدالها راتب
الشركة احنا اول دفعه للقسم ..ولا لي نية اجدد عقدي معهم
ابي هالشهرين تعدي بس

بالنسبه لشهادة الخبره يكتبونها حسب ماهو بالعقد
بالنسبه للاجازه هي سنويه مدتها شهر والان ما كملتي سنه بس عندك رصيد ايام لا تقل عن عشرين يوم الي اعرفه مو شرط تكملين سنه حتى تاخذين اجازه لو قلتي لهم ابي عشر ايام من رصيدي مثلا لا اعتقد مشكله هذا اذا ما يبون يفصلون على كيفهم ويقولون لازم تكملين سنه مهو على كيفهم اذا مصره تاخذينها بدون راتب كيف بدون راتب وانتي عندك رصيد لا يقل عن 20 يوم خلال العشر شهور .
ارسلي اميل لمديرك مثل ما قالك لمحاولة تغيير مسمى الوظيفه
بالنسبه لصندوق الموارد ما عندي فكره عنهم .

عموما بامكانك تتصلين بمكتب العمل انتي او اخوك للاستفسار عن ما قلوا لك الشركه واتصلي بصندوق الموارد واسئليهم عن الي ذكرتيه

ولا تنسين الاستعانه بالله من خلال الدعاء اثناء صلواتك وخاصه وقت سجودك

بحسب معرفتي البسيطة:
1- الإجازة بعد سنة عمل. ولو بتاخذين الآن فمن حقهم تكون إجازتك بدون راتب هذا معروف.
2- بخصوص مسماك الوظيفي يصير وممكن بطريقة وديّة تطلبين من المدير أن يكون مسماك الوظيفي شامل يعين يكون إدارية. وإدخال البيانات تراه جزء من المهام الإدارية ماتختلف كثير. فلا تتوتري.

3- إذا عقدك يتضمن سنة وماصار كلام مع إدارتك يتجدد العقد هذا من قوانين وزارة العمل. تأكدي من هالنقطة عشان تحسبي الفترة شهر الإنذار.

4- لو ما أخذتي إجازة فمع نهاية خخدمتك تصرف لك مقابلها مقابل مالي مع المخالصة المالية.


بخصوص الموارد مالي علم عنها.

فيما يخص صندوق الموارد البشريه هدف


نركز زين أختي الدعم للموضف وليس للمنشأه في حال توقيعهم أتفاقيه مع هدف

ولابد من أبلاغ الموضف بذالك ويكون عقدهم مفتوح

ولا بد من أنك تتأكدين من موقع الصندوق هل سبق دعمك أم لا

في حال دعمك فيه صعوبه دعم مره ثانيه

ولاكن مؤخراً سمعت بأن فيه دعم ثاني للفتيات

[align=center]أولآ : يحق لكي أن تطالبي خطاب يثبت بأنك أداريه ، ولاكن لا يحق لك أجبارهم أو الشكوى عليهم لأن لايوجد عقد يثبت بأنك أدارية عقدك مازال ( مدخلة بيانات ).

ولاكن أطلبي تعريف بالراتب لأي جهه سواء بنك أو أي جهه خاصه وقولي لهم يذكرون مسماك الوظيفيه للجهه المطلوبه , وأذا كتبو وظيفتك الحاليه ( أداريه ) أحتفظي بها للأستفاد منها لاحقآ .

ثأنيآ : لا يحق لك المطالبة بأجازه سنويه إلى بعد مرور سنه , والأجازه قبل السنه تعتبر ( أجازة أضطراريه ) بدون راتب , وأذا أنهيتي عقدك بعد السنه يتم صرف بدل أجازه وتضاف لحقوقك ( وبدل الأجازه عباره عن راتب أساسي ) .[/align]