السلام عليكم ورحمة الله وبركاته .. وبعد



ابتكلم بصراحة تامة لأنني محبط نفسيا جدا و لا يعلم مالذي يمر بي سوى علام الغيوب سبحانه...




انا احمل شهادة جامعية (بكالوريوس) في احد التخصصات التقنية , وبحثت كثيرا بعد التخرج عن وظيفة تليق بي من حيث الراتب وسمعة الشركة او المؤسسة والمسمى الوظيفي اللي يناسبني ويحقق طموحي...لكن تفاجأت ان هناك شح في الوظائف

سافرت من مدينتي الصغيرة الى الرياض بحثا عن وظيفة ..وسافرت الى جدة كذلك

بس في النهاية مافيه وظيفة

وبالعربي ... يالله تلقى وظيفة هذه الايام

فجلست اكثر من سنة ونصف عاطل الى ان جائتني وظيفة براتب قليل ( مخصصة لخريج ثانوي او دبلوم ) ولكن تمسكت بها لانها الوظيفة الوحيدة المتوفرة ..بدأت العمل معهم وهي شركة صغيرة .. والشغل متعب جدا ومرهق وليس هناك تطوير بالاضافة الى انني لن استفيد من ناحية المادة لان الراتب قليل .. نصفه يروح على المصاريف الشخصية والبنزين والاكل وشراء المستلزمات ووو ...جلست تقريبا 4 شهور فقط وقدمت استقالتي بسبب ضعف الراتب والتعامل السيء من المدراء وغيره ... وذهبت لشركة اخرى صغيرة ونفس الكلام لم اجلس سوى اقل من اسبوعين وقدمت استقالتي لضعف الراتب وعدم الصبر معهم ومع اساليبهم السيئة


وها أنا الان اعود للبطالة من جديد !!!

فكرت كثيرا كثيرا .. وقررت في نفسي انني لن اتوظف ... لانه بصراحة الوظيفة تعتبر ذل واهانة للشخص .. لانك سوف تتعب وتنكرف اكثر من 9 ساعات يوميا مع الاستفزازات و الخصميات سوف تحصل في نهاية الشهر على 6 الاف او حتى 7 الاف ... وش تسوي ال 7 الاف في ظل ارتفاع الايجارات و ازمة السكن وغلاء المعيشة ... وغلاء المهور وتكاليف الزواجات .. وغلاء اسعار السيارات وغيره !!!!


في النهاية قررت انني اعمل في التجارة خصوصا في سمسرة العقارات والحصول على سعي في بيع الفلل والاراضي .. بدون ذل مدير او احد يسألك ليش تأخرت ليش غبت ليش ليش !

والربح طائل ولا يقارن براتب حقير مجرد رقم بسيط ... ما يعيشك !!!!


وبتعيش مرتاح البال ..



فـ في النهاية انا أمام امرين / اما البحث عن وظيفة ( التركيز على الشركات الكبيرة اللي تعطي مميزات حلوة ) او الاشتغال بالتجارة والاستغناء عن الوظيفة الحقيرة




والسلام ختام

اخوي اشتغل بالتجارة او ابحث لك عن تاجر واشتغل عنده
العقار الايام هذي راكد جداً ولا تكاد تجد في كتابة العدل بيعا الا قليل

المجال واسع والحرية ما تعدلها العبوديه ابداً فانا مثلك اشتغلت لمدة خمس شهور بعد التخرج ولكن لا يكاد يمر يوم الا والمشاكل تجر بعضها البعض وفوق هذا العمل يسير بشكل فوضوي جداً

عندك التسويق عبر الانترنت كبداية مثل أن تبحث عن مشكله شائعة بالبلد وتوجد لها حل ببضاعة معينة من برى او من الداخل المهم تسوق بضاعه تضمن كثرة الطلب عليها

وايضاً يدخل في كلامي السابق المشاكل الخدمية ببلدك مثلاً توصيل الطالبات والمعلمين داخليا ان كان لديهم مشكله في توفرها

وعلى ما قالوا اكل العنب حبه حبه ولا تستعجل النتيجه .

وفقك الله

الله يوفقك

بس 7 الاف أشوف بأنها جيده ببداية حياتك

7 الاف حقيره.. ؟؟ الله يصلحك بس
1-لو ترتب مصاريفك واولوياتك وحتياجاتك <مو لازم اكل من برا وصرفيات ولبس وكشخه ودوران وبنزيم اشتر حجاتك الضرورية <وهذي مراح تكلفك بالشهر ولا2000 ريال
2-وتبحث عن سكن مشترك غرفه <هدا مراح يكلفك 2000 ريال كل 6 اشهر اذا مشترك واذا لحالك راح تكلفك من 4000 -5000 كل 6 اشهر ولازلت انت الربحان الا الان دامك موفر في رقم 1
3-وترتب وقتك (وقت النوم نوم , وقت العمل عمل ,وقت اللعب والفله فله)
القاعد تقول =لما تنام زين ×راح تشتغل زين وماتتاخر عن دوامك وماتجيك خصميات =
اضمن بعد الله اذا مشيت على هالنظام يبقى من راتبك 3000 او 2000 او 1000 في اغلب الشهور وانت تضحك
ولاتنسى الصدقه والاستغفار تباركلك في رزقك
***وهذي عن تجربه***


في برضو عندك اعمال حره مثل ماذكرت انت والاخوان
نفس الترتيب والانسان اذا ماقدر يصرف نفسه واحتياجاته
والله لو يستلم 15.000 انها راح تخلص قبل ماينتهي الشهر

ومعليش سوال ايش تخصصك ؟

هههههههههههههههههههه

آكيد تمزح
7 آلاف مو عاآجبتك ..،

وببداآية حياآتك العمليه .. وبدون خبرات راتب ولاآ بالاحلاآم .،
وشوي شوي .. توصصل للي تبي .،

الصبرر زين .. خاصة اذا كان الراتب مثل ماآقلت .،

السلام عليكم ورحمـة الله وبركـاته

هـذا إقتبـاس للعضو يزيد

اقتباس:

المشاركة الأصلية كتبت بواسطة يزيدٌ نجي لراتب ، ايش 5500 ماتكفي ...! ياخي ماعندك خبرة حتى لو معك ماجستير وش ابي بشهادتك شهادتك تفيدك اكاديمياً ، لاكن تنفيذياً ماتنفعني الشهادة الشركة تبي الممارس للعمل الي عنده خبرة حتى لو مؤهله متدني ولا تسئل عن الراتب مقابل الخبرة ، بس معك مؤهل وماعندك خبرة ، ارضى ب أي راتب يعرض لك [ بالمعقول ] محد يبدا ب 7 الاف بالشركات الا الي يخضعون لتدريب وتكون بعقودهم شروط جزائية ,,, امس عندي احد الشباب قدم استقالته وكان راتبه 6500 وهو تو متخرج ومؤهله بكالريوس ادارة ومقبول بعد ماكمل شهرين وبدون تأمينات وغير مسجل بالموارد ] راح لشركة واعطته 7800 بس بالمقابل [ سجلوه بالموارد ، والتامنيات ] هو الآن ياخذ اقل من الراتب الي احنا عطيناه لانه عندنا [ 6500 راتبه الشهري + 2000 ريال دعم الموارد بعد 3 شهور + 500 دعم تدريب داخل المنشأة ] = 9 الاف ريال راح ياخذها بعد ثلاث شهور لو استمر عندنا الشباب يبحثون عن الراتب ولا يهمهم الخبرة الي راح تخدمهم بمسيرتهم المهنية ..

-


يارجال الناس الان يشتغلون سنوات عشان يترقون ويوصلون نفس راتبك تبارك الرحمن
الله يكتب لك الي فيه الخيـر ..

الحمد لله

الخبرة مطلب. إذا معك خبرة فأنت تسوى الرقم اللي تطلبه في الراتب بأي شركة.

لكن ماعندك خبرة والوظيفة شهر شهرين استقالة؟ هذا يكون ضدك في التوظيف أو إيجاد فرص أفضل.


مشكلتك ماتصبر. و6الاف روووووووعة كان ممكن منها تكون رأس مال وتبدأ مشروع يناسبك.


وصعود السلم يحتاج زمن وجهد.

قدم على طاقات وحافز وبنفس الوقت ابحث عن وظائف في في منتدى البطاله والكثير من المواقع وسف تجد وظيفه تناسبك