عندي تعليق :

الله يجزاكم خير احسنو الظن فالدنيا فانية

ليش ماتخرج انت الي التجارة مع العامل !!

الله يوفقك ويرزقك
بالتوفيق للكل ../

الله يوفقكم جميعا ولاهنتوا

البارح عطيت ولد عمي فكره عن الموضوع وطلع عنده صديق وتاجر قديم .. اتصل عليه ونسق معه وقال ابشر بكره خله يقابلني بالشركه ( اسمنت تبوك ) ..
رحت اليوم الصبح واتصلت ع التاجر اللي متعامل مع الشركه واخذني ورحنا لـ مهندس ( سعودي ) وقاله ضبط لي هالولد لانه من طرف عزيز علي .. وخله يشوف العقد قبل يبدأ بأي خطوه .. اخذت العقد وروحت البيت وقريته بالعصر اغلبها شروط تقول هل مع سائق او بدون وهل تتحمل الصيانه ام ع الشركه و كم حجمها وطرازها و و و ..

ــــــــــــ
وبصراحه الرجال بعد ماروحنا من الشركه اخذني ع جنب ووضح لي تلاعب الشركات والباكستانيه وامور كثيره وقال انت من طرف ابو فلان ( ولد عمي ) ولازم اضبطك ماعليك ازهل كل شي
رجل كفى ووفى لان الشغله انا حسبتها سهله وهي طلعت فيها لعب ولحسة مخ وهو تكفل بكل شي من ناحية ضمان حقي لانه وضح لي كيف يستغلونك وكيف ينصبون عليك وكيف يصرفونك .. وعلمني كثير من الامور .. وحتى لو جبت تريله وانا مالي واسطه عندهم ماياخذونها الشركه لانهم مكتفين لكن لان الرجال واسطه وتاجر متعامل معهم من زمان راح ياخذون تريلتي ويصرفون باكستاني ماجر عندهم تريلته ..

ـــــــــ
كلمت التاجر اليوم المغرب وقلت له قريت العقد واللي ابيه انهم يستاجرونها بدون سايق والصيانه عليهم انا فقط ابي الفلوس شهريا .. قال اوكي وعطاني مواصفات تريله معينه وقال اشتر النوع هذا ( مستعمل ) اقل كلفه عليك واكثر مرابح واقل خرابات و اضمن 10 الاف شهريا بحسابك بس انت اول ماتنزل حقوق الوالد اتصل علي نتصيد لك تريله ونحطها باسمك ونكمل اجراءات التأجير ومن اول شهر تضمن مربحك ..

اخيرا بضمن 10 الاف شهريا يعني بعد 8 شهور يرجعليراس مالي 80 واشتري فيها تريله ثانيه مستعمله .. عشان اضمن شهريا 20 الف ويمكن اشتري تريله ثالثه . عشان اضمن 30 الف .. وبعدها اوقف التريلات وابدا استفيد من المربح لي ولعائلتي

اشكر الجميع والله يوفقكم ولاهنتوا ع النصايح

[align=center]الله يوفقك

الأخوان كفوا ووفوا

العمال دم فاسد أنتبه منهم وخلك ذيب لاحد يلف عليك

ومن أقوال عمر بن الخطاب رضي الله عنه ( لستُ بالخِبِّ ، و لا الخِبُّ يخدعُني )[/align]

ويييييييييييييييييييييييييييييييين اخوي انتبه واحذر من هالاجانب اللي مايخافون الله .. شف وش مسوي بكفيله ووش وراه منمصايب يبلاك فيها او اقل شي يسرقك وبالراحه ...


انت ع نياتك مرررره فاحذذذذذذذر اناحد يستغل طيبتك وصفاء نيتك وحاجتك

يعطيك بعد 8 اشهر 16000
يعني فالشهر 1500

ثمانية اشهر مده طويله يقدر خلالها يطلع له قيمة التريله فيها وبعدها يسلمك سيارتك يقولك مامشى الشغل

ويبحث عن شخص ثاني وعلى هالطريقه


أخي الكريم احذر احذر احذر من الاجانب


يوهمونك وهم مو خسرانين شي اذا مشى الموضوع زين على زين مامشى هو ماخسر شي بالعكس اخذ ارباح بسياره مجاناً عليه

اذا معزم على تريله

جيب سواق براتب وابحث عن شركه تستأجرها وحقك تاخذه من الشركه مو من السواق

خليك في المضمون احسن

يوجد أشخاص لهم مزارع بالقصيم وبالدواسر يبيعون عقدة البرسيم
من 5 ريال إلى 7 ريال للعقدة

فإذا حمل التريله وراح جده أو الدمام
راح يبيع عقدة البرسيم حسب سوق جده أو الدمام
وأسعار السوق فيها يتراوح ما بين 14 إلى 25 ريال للعقده من البرسيم
يعني الارباح ممتازه

وهذا الباكستاني يقول أنتظر 8 شهور !!
سلامات مخك ي سيد !!
من أول شهر بندق راس الباكستاني وكسره يعطيك أرباحك ..

تريلتك تروح هباءً منثور على الطريق محمله عشرين تحميله !!

وفي الاخير .. . يجيك بعد 8 شهور يقول :
خذ ي مخمد تريله حق أنتا وفلوسك حق شهر وأنا يبقى سفر لباكستان !!

أطلبه حقك من أول شهر وتابعه متابعه يقضه !!

__________________
سبحان الله وبحمده

اذا اراد العامل بلف السعودي قال بسيطا





تبي تعرف كيف رسلني على الخاص