المشاركة الأصلية كتبت بواسطة hth

راجية خير تجارة الذهب فيها مكاسب خيالية للي عندة مبلغ مالي كبير
انا اشتغلت خمس سنوات في مجال بيع الذهب والمجوهرات والمكاسب توصل من حمس مائة الف إلى مليون وخمس مائة الف وتكون المكاسب على حسب رصيدك في المحل كم كيلو تمكلك كل ماكان رصيدك اكثر كل ماكسبت اكثر والمكاسب هذي صافي بعد رواتب الموظفين وإيجار المعرض ومصاريف المعرض
والذهي كل لحظة يتغير يبدأ السوق يفتح من يوم الأثنين لين يوم الجمعة ويوم السبت والأحد عطلة بناء على السوق الدولي لتجارة للمعادن في البنك الدولي بسويسرا
تقدري انتي تعرفي كم سعر الأونصة في شريط الأخبار للقنوات الأقتصادية كل لحظة وكل ثانية لأنة يتغير باستمرار
وطريقة حساب كيف تعرفي تشتري عيار 24 قيراط تختلف عن عيار 21 قيراط وكذلك عيار 18 قيراط
لما كنت اشتغل في محل المجوهرات كان الرصيد الموجود خمسين كيلو ذهب وقيمة الكيلو الحين وصل ل مائة الف ريال الصافي اللي نطلعة في نهاية السنة توصل من 10 كيلو إلى 35 كيلو يعني توصل من مليون إلى ثلاثة مليون وخمس مائة ريال
وطريقتها سهلة بس انتي اذا تبغي تشتغلي بمجال بيع الذهب لاتشتري جديد روحي للمحلات وتشتري الذهب القديم يسموه " كسر" وتاخذين بسعر السوق او المحلات المتخصصة ببيع الذهب القديم وماتشترين من المحلات العايدية بنفس سعر المحلات اللي تبع الذهب القديم اقل بريال ونص او ريال ونص على تستفيدي انتي وتبيعي بزيادة ريال او 75 هللة او نص ريال او ربع ريال على حسب شطارتك لان انتي تحطي حذرك ممكن الذهب ينزل باي لحظة على شان انتي تروحي في نفس اليوم لمحلات اللي تتاجر وتشتري الذهب القديم اللي يسموه الكسر وتكوني كل لحظة متابعة سعر الاونصة في السوق الذهب تسئلي اوعن طريق شرظ القنوات الاقتصادية لحظة بلحظة
وطريقة حساب الذهب :
الكيلو الذهب يساوي 1000 جرام
والكيلو الذهب فية 31,25 اونصة
الأونصة وزنها 32,1 جرام

وسعر الذهب اللي يطلع في شريط الاخبار كل لحظة هوسعر الاونصة

عيار 24 قيراط رمزة 999,9
عيار 21 قيراط رمزة 21k = 1142,7
عيار 18 قيراط رمزة 18k = 1333,33
حبيت اديكي فكرة بسيطة عن الذهب واذا حابة اشرح لك اكثر كيف تحسبين عيار 24 وكيف تحسبين عيار 21 وعيار 18 ولا يهمك اشرح لك في وقت ثاني لاني الحين رايح الدوام والله يوفقك.

المشاركة الأصلية كتبت بواسطة heavenmoon